Bismihi Ta`ala

Respect pou Grand.

عن عبادة بن الصامت أن

رَسُولَ اللهِ صَلَّى اللَّهُ عَلَيْهِ وَسَلَّمَ قَالَ: ليس منا من لم يجل كبيرنا ويرحم صغيرنا ويعرف لعالمنا حقه

أحمد ، والطبرانى ،

Rasouloullah Swalallahou `Alaihi Wasallam finne dire : ‘’Sa categorie dimoune la li pas parmi nou : celui ki pas respect nou banne grands, celui ki pas ena pitier pou nou banne tiptis et celui ki pas finne montrer respect pou nou Alim  – Ahmad ; Tabrani.

Respect li important de nou coter envers grand. Plis grand c`est Allah Ta`ala. Allahou Akbar. Donc plis grand respect li réservé pou Allah Ta`ala. So respect c`est qui nous pas écoute banne makhlouqs/créatures si sa pou casse l`ordre Créateur. Parski li merite plis respect a cause li finne cree nou et li finne donne nous tous kite sozes. Nou bizin vinne ene serviteur reconnaissant. So reconnaissance cest ki nou bizin obeir li, suivre so l`ordre et respect banne symboles de nou Deen.

Apres Allah Ta`ala, nou bizin respect nous Parents et banne ki plis grand ki nou. En bref tipti respect grands. Parski grand li ti la avant ou. Li finne trappe ou la main pou faire ou marcher dans l`enfance. Li ti veille lor ou pou ou pas tomber. Li ti protege ou contre banne dangers. Donc quand oune grandi, donne li respect en reconnaissance.

Banne grand de zote coter bizin exprime pitier pou tiptis. Pas abuse lors zote et ni faire dominere lor zote. Pas barre zote chemin. Plitot facilite zote développement de zote deen et de zote dunya.

Et bien important ki nou ena respect pou tous ulamas. Parski ene manque respect a zote regard li bien grave. Aussi grave ki -d`apres hadith mentionnee en haut- nou capave trouve nou demain en dehors de Ummat de Hazrat Mustapha Swallallahou `Alaihi Wasallam-Tabrani. Parski meme ene Alim li plis tipti ki nou dans age, mais li plis grand en connaissance. Respect ou banne grands svp.