JonSnow Staff answered 4 years ago
Tout d`abord, nous gagne preuve de woujoub de Qurbani lors chaque musalmane ki ena moyens depuis Qur-aan. Allah Ta`ala finne dire : ‘‘Faire Namaz pou to Rabb et faire Qurbani’’ (Sourah Kawthar) Pareil ki namaz Eid li wajib et obligatoire, coume sa meme Qurbani li obligatoire lors chaque dimoune ki ena moyen. Dans Tafseer Bahroul Uloom samarqandi, Ibn Katheer, Tabari, Qurtubi, etc finne mentionne ki signification sa ayat la c`est ki quand fini faire namaz Eid ul Adhaa, alors lerla faire Qurbani.
Dans Bukhari shareef, Hazrat Bara r.a. rapporter ki Rasouloullah SAW finne dire ki le prophete SAW finne faire khutbah le jour de Eid ul Adhaa et line dire: ‘‘Zordi premier action ki nous pou faire c`est Namaz. Apres sa, nous pou retourner pou faire Qurbani. Celui ki finne faire sa, alors li finne suivre nous facon. Celui ki finne coupe so zanimo avant namaz, alors c`est pas Qurbani, mais la viande pou so famille…’’(Bukhari)
Maintenant est ce qui li wajib lor ene famille ou bien individuellement ?
Li wajib individuellement.
1. Premier preuve c`est dans Qur-aan, sourah Kawthar : ‘‘Faire Namaz pou to Rabb et faire Qurbani’’ (Sourah Kawthar) Pareil couma chaque dimoune bizin faire namaz, coume sa meme li wajib pou chaquene ki ena moyen pou ki zote faire qurbani.
2. Deuxieme preuve c`est ene hadith de Ibn Majah de Hazrat Abu Hureirah r.a. :
عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ مَنْ كَانَ لَهُ سَعَةٌ وَلَمْ يُضَحِّ فَلَا يَقْرَبَنَّ مُصَلَّانَا
Celui ki finne ena moyen et li pas finne prend disposition pou faire Qurbani, alors ki li pas approche nous musalla.(Donc pas vinne faire namaz Eid).
Sa li ene preuve ki Qurbani applique lor chaque dimoune et non pas lor ene la caze. Parski le prophete SAW pas finne servi le mot la caze ou famille ici, mais finne faire ene annonce pou chaque individu. Li finne servi le mot ‘Man’ ki veut dire ‘Celui’. Pareil couma namaz, li ene acte individuel, coume sa meme qurbani li ene acte individuel. Donc celui ki pas pou faire Qurbani, li bizin conner ki li bien grave et aussi grave ki le prophete finne dire : ‘‘Pas bizin vinne faire namaz.’’ En d`autre mot si linne prend qurbani a la legere, be pas bizin aussi li vinne accomplir sa wajib ki appelle namaz Eid ul Adhaa. Sa montrer ki qurbani li wajib pareil couma namaz, mais li pou applique lor celui ki ena moyen. Pareil couma finne mentionner dans hadith de Ibn MAjah.
3. Neanmoins, ena plusieurs recits ki qurbani finne faire pou chaque membre de la famille.
Naration ki plis commun trouve dans Mustadrak Hakim ki pe rapporte a propos Qurbani de Hazrat Fatimah r.a.
Clairement le prophete SAW finne addresse a so ti fille ki dibouter et temoigne so qurbani :
أن رسول الله صلى الله عليه وسلم ، قال : « يا فاطمة قومي إلى أضحيتك فاشهديها فإنه يغفر لك عند أول قطرة تقطر من دمها كل ذنب عملتيه وقولي : إن صلاتي ونسكي ومحياي ومماتي لله رب العالمين لا شريك له وبذلك أمرت وأنا من المسلمين
Dans sa hadith la, le prophete SAW finne adresse seulement a Fatimah r.a. et finne dire : O Fatimah, dibouter pou temoigne to qurbani. En Arabe Udhiyatik veut dire ‘To qurbani’. Et non pas qurbani de to famille. Donc qurbani li applique pou ene seule dimoune.
4. Li rapporté de Bukhari ki Abu Burdah r.a. ti faire qurbani avant namaz. Le prophete finne ordonne li directement ki li bizin refaire so qurbani. Jamais pas finne mentionne la caze ou la famille :
شَيْءٍ فَقَامَ خَالِي أَبُو بُرْدَةَ بْنُ نِيَارٍ فَقَالَ يَا رَسُولَ اللَّهِ أَنَا ذَبَحْتُ قَبْلَ أَنْ أُصَلِّيَ وَعِنْدِي جَذَعَةٌ خَيْرٌ مِنْ مُسِنَّةٍ قَالَ اجْعَلْهَا مَكَانَهَا
5. Aussi, selon banne fuqahas kiraam ena ene narration ki le prophete SAW finne dire : Lors chaque musulman ena qurbani.
6. Bien bien drole de connaissance de certains, ki finne dire ki le prophete jamais finne faire qurbani pou so banne madames. Parski dans Muslim Shareef ena ki le prophete SAW finne faire qurbani pou so madame hazrat Aisha r.a :
حَدَّثَنَا عُثْمَانُ بْنُ أَبِي شَيْبَةَ حَدَّثَنَا يَحْيَى بْنُ زَكَرِيَّاءَ بْنِ أَبِي زَائِدَةَ عَنْ ابْنِ جُرَيْجٍ عَنْ أَبِي الزُّبَيْرِ عَنْ جَابِرٍ قَالَ ذَبَحَ رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ عَائِشَةَ بَقَرَةً يَوْمَ النَّحْرِ
Le prophete SAW finne coupe ene bœuf en entier pou hazrat Aisha r.a.
Dans ene l`autre recit, pe dire ki le prophete SAW finne faire qurbani pou so banne madames.
نَحَرَ رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ نِسَائِهِ
Donc depuis Qur-aan et hadith, nous deduire ki Qurbani li wajib lor chaque musalmane ki pas voyageur et ki li ena moyen, meme si li dans ene seul la caze, mais li bizin faire li individuellement. Missier bizin prend so part separer, madame ki ena moyen so part separer et zenfant ki ena moyen aussi bizin prend so part separer.
Aussi dans ene bœuf et dans chameau ena 7 parts et dans ene cabris, mouton ou bouc ena 1 seul part.
Riwayat de Tahtawi :
, عَنْ جَابِرِ بْنِ عَبْدِ اللهِ، قَالَ: ” نَحَرْنَا مَعَ رَسُولِ اللهِ صَلَّى اللَّهُ عَلَيْهِ وَسَلَّمَ الْبَدَنَةَ عَنْ سَبْعَةِ نَفَرٍ “، فَقِيلَ لِجَابِرٍ: رَضِيَ اللهُ عَنْهُ: وَالْبَقَرَةُ ؟ قَالَ: ” هِيَ مِثْلُهَا “
Wallahou A`lam bissawaab.