Bismihi Ta`ala
Q: Qui sa veut dire islaam?
A: Islaam litteralement veut dire “soumetre”. Li ene religion ki comprend ene mode de vie complet. Alors banne dimoune qui pratique religion Islaam, apelle zotte musulmans. Islaam baser lors 5 principes:
- Imaan (la foi)
- Salaah (la priere)
- Saum (jeuner)
- Zakaah (la charite)
- Haj (le pelerinage)
Q: Qui sa veut dire Imaan?
A: Imaan veut dire amene la foi ki ena ene seul Allah et li meme digne d’etre prier. Et nous croire aussi qui Muhammad (saw) le dernier messager d’Allah.
Q: Qui sa veut dire Kalimah?
A: Kalimah Tayyibah: Laa ilaaha illal laahou muhammadur rasoolullah. Traduction: Pena aucun etre qui merite adoration excepter Allah. Muhammad (saw) Allah so messager.
Kalimah shahadat: ash hadou allah ilaaha illal laahou wa ash hadou anna muhammadan ‘abdouhou wa rasooluh.
Traduction: Mo temoigner qui pena aucun etre qui merite adoration excepter Allah et mo temoigner qui Muhammad (saw) Allah So serviteur et messager.
Q: Donne moi quelques banne details lor ki nous besoin amene imaan (la foi)?
A :Imaane mufassal: Aamantou billahi wa malaa ikatihi wa kutubihi wa rusulihi wal yaumil aakhiri wal qadri khairihi wa sharrihi minal laahi ta’ala wal ba’thi ba’dal maut.
Traduction: Mo croire en Allah et So banne anges et so banne livres et So banne Prophets et le jour du jugement dernier et le bon et le mal destin (venue) d’Allah, et la vie après la mort.
Les croyances d’un musulman en detail:
ALLAH
Q: Quel sont les croyances concernant Allah?
A: Ene musulman besoin croire qui:
- Allah ene seul
- pena aucun bondier excepter Li
- Allah pena aucun partnaire
- Allah conne tous kitchose
- Allah ena plus grand pouvoir et puissance
- Allah fin creer tous
- Allah pena ni papa, ni garcon ou tifi ni aucun famille
- Zotte tous depane lors Allah mais Allah pas depane lors personne; Li independent
- Allah pena aucun defaut
ANGES
Q: Qui sa veut dire anges?
A: Anges se banne creatures d’Allah qui fin creer avec la lumiere. Zotte invisible. Zotte pas desobeir Allah ni zotte commete qit peches. Zotte reste faire travaille qui Allah fin donne zotte.
Q: Combien anges ena?
A: Personne pas conne zotte nombre exact, excepter Allah. Mais ena beaucoup anges et quatre parmi zotte plus proche avec Allah.
Q: Qui quatre anges plus proche avec Allah?
A: Jibreel (as), qui ti pe transmette Allah so messages et revelation a so banne prophets. Israfeel (as), qui pou souffler le trompette le jour du jugement. Mikaeel (as),qui en charge pour amene la pluie. Izrail (as), qui en charge pour tire la vie de banne creatures quand zotte mort.
ALLAH SO BANNE LIVRES
Q: Combien livres d’Allah ena?
A: Ena beaucoup livres d’Allah et quatres parmi zotte plus célèbre: Tauraat (le vieux testament). Hazrat Moosa (as) ti recevoir sa liver la. Zaboor. Hazrat Dawood (as) ti recevoir sa livre la. Injeel (le nouveau testament). Hazrat Isa (as) ti recevoir sa livre la. Quraan qui ti reveler lors Muhammad (saw).
ALLAH SO BANNE MESSAGERS
Q: Qui sa veut dire ene messager d’Allah?
A: Ene messager d’Allah c’est ene etre humain qui Allah fin envoyer pour transmettre Allah so banne messages a banne les autres etre humain. Zotte honnete et zotte pas faire aucun peche. Zotte transmette Allah so commande sans addition ou omission.
Q: Est ce qui n`irmporte qui sanla capave vine ene messager d’Allah par li meme?
A: Non. Allah tout seul choisir qui sanla pour vine ene messager.
Q: Combien prophet/messagers ena?
A: Ti ena beaucoup prophets et Allah tout seul conne zotte vrai nombre.
Q: Qui sanla ti premier prophet?
A: Adam (as)
Q: Qui sanla ti dernier prophet?
A: Muhammad (saw)
Q: Est ce qui pour ena encore prophet qui pour vini?
A: Non, aucun prophet pas pour vini jusqu’a le jour du jugement.
Q: Qui sanla plus grand prophet parmi zotte tous?
A: Nabi Muhammad (saw) plus grand prophet.
LE JOUR DU JUGEMENT
Q: Qui sa veut dire le jour du jugement?
A: C’est ene jour cot entier l’univers pour detruire avec so creation.
Q: Comment entier creation pour mort sa jour la?
A: Israfeel (as) pour souffler le trompette et sitant so la voie pour fort qui entier creation pour detruire.
Q: Quand pour ena qiyaamah?
A: Allah tout seul conne la date exact.
JANNAT ET JAHANNAM(L`ENFER ET PARADIS)
Ene parmi banne croyances musulman c’est qui après quand Allah pou fini prend JUGEMENT tout banne dimoune, ceux qui zotte bon action pou plus qui zotte mauvais action, Allah pou mette zotte dans jannat (paradis). Et ceux qui zotte mauvais action pou plus qui zotte bon action, Allah pou mette zotte dans jahannam(l’enfer).
Ene musulman (pecheur) pou rentre dans jannat après qui li fin paye pou so banne peches dans jahannam, et après sa li pou reste dans jannat pou tout le temps. Ene non-musulman jamais pou rentre dans jannat; li pou reste dans jahannam pou tout le temps. Allah ti fini cree jannat et jahannam meme avant qui Li fin cree la creation.
Amene Imaan lors tout banne Prophets
Allah fin envoye beaucoup prophet mais Allah tout seul conne zotte exact nombre. Ene parmi banne condition de imaan c’est qui nous besoin amene imaan lors tout banne prophet qui Allah fin envoye lors la terre. Dementi ene prophet parmi sa banne prophet la li pareil comment dementi tout banne prophet.
Allah fin mentioner dans Qur’aan:
“كذبت قوم نوح المرسلين”(شعراء:105)
“Nooh (a.s.) so peuple fin dementi banne prophet/messagers”
“كذبت عاد المرسلين”(شعراء:123)
“A’ad fin dementi banne prophet”
“كذبت ثمود المرسلين”(شعراء:141)
“Thamood fin dementi banne prophet”
Chaque peuple qui fin mentioner la hors ti dementi zotte prophet, mais Allah fin mentionne le mot prophet en pluriel.Sa montrer nous qui meme si zotte fin dementi ene seul prophet li pareil comment zotte fin dementi tout prophet. Ene dimoune pas capave amene imaan lors Allah si li pas amene imaan lors tous banne prophet.
Premier prophet qui Allah fin envoyer c’est Adam (a.s.) et dernier prophet c’est Muhammad (saw). Apres li pas pou ena aucun prophet qui pou vini jusqu’a jour de qiyaamat. Muhammad (saw) meme chef de tout banne prophet et li meilleur parmi zotte. Chaque prophet fin etre envoye pou so peuple mais Muhammad(saw) fin etre envoyer pou l’univers entier. Chaque prophet fin vin avec ene livre ou “sahifah” d’Allah et nous prophet Muhammad(saw) fin vin avec Qur’aan.
Allah fin mentionne dans Qur’aan:
“أطيعوا الله والرسول لعلكم ترحمون”(آل عمران:132)
Alors Allah so clemence pou descendre lors nous si ena deux conditions:(
- obeir Allah
- obeir Rasool(Muhammad saw)
Sa veut dire sa deux zafaire la marche ensemble. Celui qui croire dans Allah mais pas So rasool alors li pas merite Allah So clemence. Sa aayat la montre aussi qui tout zafaire qui Muhammad (saw) dire li vin depuis Allah pas depuis li meme.
Allah fin mentionne dans Qur’aan:
“ما ينطق عن الهوى إن هو إلا وحي يوحى”
“Tout saki Muhammad (saw) dire li pas vin depuis so propre desire mais aufait (tout saki li dire) c’est ene revelation venue d’Allah.” En bref, obeir Muhammad(saw) = obeir Allah. Li waajib pou obeir Allah alors li waajib aussi pou obeir Muhammad (saw).
Allah fin mentionne dans Qur’aan:
“من يطع الرسول فقد أطاع الله”(نساء:80)
“Celui qui obeir rasool alors li fin obeir Allah.”
Q: Est ce qui Isa (a.s.) ti ene messager d’Allah?
A: Oui.
Q: Est ce qui Isa (as) ti ne depuis ene madame vierge?
A: Musulman:Oui. Maryam (as) ti vierge et li fin donne naissance a Isa (as).par miracle, grace a Allah.
Q: Est ce qui Isa (as) ti cozer dans so berceau?
A: Oui.
Q: Est ce qui Isa (as) ti pe faire banne miracle aparaitre?
A: Oui.Mais sa banne miracle la ti pe parraitre seulement par l’accord d’Allah, Celui qui ena pouvoir lors tous zafaire.
Q: Est ce qui Trinity exister?
A: Non. Musulman croire qui ena ene seul Allah, qui pena aucun papa mama zenfant ou famille. Li pena aucun partnaire et Li meme Le seul Createur.
Q: Est ce qui Isa (as) Allah so garcon?
A: Non.
Q: Est ce qui Isa (as) ti etre crucifier?
A: Non. Li finne etre enlever dans le ciel et li pou revini avant Jour du jugement. Li pou marier et li pou ena zenfant. Jesus et Moise zote aussi banne prophete ki nous bizin croire. C`était banne prophete ki finne amene message Bon Dieu, Allah. Mais nous bizin pas croire ki zote Bon Dieu et ni nous manque zote respect en tant ki prophete.
Si nous manque croyance de Jesus en tant ki prophete, alors nous Imaan pas complete et nous pas ene musulman. Et si nous croire ki Jesus Bon Dieu, alors nous pas musulman. Remarquer ki ene item aussi changement dans la foi tire nous depuis Islam.
Si ene dimoune dire ki li pas croire dans ene verset Qur`aan ou ki prophete Muhammad dernier prophete, alors li pas ene musulman. Li bizin repenti, relire Kalimah et refaire Nikah avec so madame.
KUFR ET SHIRK
Q: Qui sa veut dire kufr?
A: Kufr c’est le contraire de imaan;sa veut dire pas croire dans Allah, dans Allah so prophet oubien pas croire dans nirmporte qui zafaire qui fin mentionner dans Qur’aan ou bien dans banne hadiths bien communs. Si rejete ene ayat ou bien ene hadith bien commun(mutawatir), alors li fine commete kufr. Celui qui commette kufr apelle ene kaafir.
Q: Qui sa veut dire shirk?
A: Shirk c’est le contraire de tawheed; qui veut dire attribuer partnaire avec Allah. Celui qui commette shirk apelle ene mushrik.
Q: Est ce qui Allah pou pardonne ene mushrik ou kaafir?
A: Shirk et kufr c’est ene grave peche a cause sa meme so punition aussi bien severe. Allah fin mentionner dans Qur’aan qui Nous pou capave pardonne tous peches, mais concernant shirk Nous fin fini faire ene decision, qui Nous pas pou pardonne sa, excepter si ene dimoune repenti depuis sa peche la et accepter islaam.
Sa peche la sitant severe, qui Allah pas pou meme accepter intercession So banne prophet aussi pou ene mushrik ou kaafir. Tous banne bon actions qui ene mushrik ou kaafir faire alle dans delo et li pas pou gagne aucun recompense. Ene mushrik ou kaafir pou reste bruler dans du feu l’enfer pou tout le temps et li pas pou ena aucun sorti de la.
DESTIN (TAQDEER)
Q: Qui sa veut dire taqdeer?
A: Allah so connaisance bien vaste. Allah conne tous bon zafaires ou mauvais zafaires qui fin arriver et qui pour arriver.Allah ti ena sa connaisance la meme avant qui li ti creer la creation. Sa connaisance d’Allah la apelle li taqdeer.
Comment nous fin mentioner avant qui Islaam baser lors 5 principes et premier d’entre zotte c’est imaan, alors après qui ene dimoune fin croire en Allah avec so le coeur et li fin prononce kalimah avec so la bouche, le reste quatre principe (salaah, saum, zakaah, haj) vin farz lors li. Si ene musulman pas pratique sa quatres principes la li pour gagne peches mais li pas pour sorti en dehors Islaam. Mais si li pas croire dans sa quatre principes la li pour vine ene kaafir.
Salaah li deuxieme principe de l’Islaam, alors après imaan salaah meme plus important parmi sa quatre faraaiz la. Mais a cause la proprete li ene condition pour salaah et salaah pas pour bon sans li, alors nous pour mentionne banne impurtes et banne moyens pour faire nous vin propre de sa banne impurtes la avant.
NAJAASAT
Tout banne zafaires qui impure dans islaam apelle najaasat. Najaasat divise en deux:
- Najaasat-e-hukmi
- Najaasat-e-mar`ee.
Najaasat-e-hukmi:
Veut dire quand ene dimoune dans ene l’etat/condition dans lequel li pas capave lire namaaz.Ene lot nom pour najaasat-e-hukmi c’est hadath. Ena deux type de hadath:
- hadath-e-akbar: veut dire quand ene dimoune dans ene condition cot ghusal vin waajib lors li et dans sa condition la li pas gagne droit ni lire namaaz ni lire Qur’aan.(e.g. quand ou en etat de haiz ou janaabat)
- hadath-e-asghar: veut dire quand ene dimoune dans ene condition cot li pena wudhu.Li pas pour gagne droit lire namaaz dans sa condition la mais li pour gagne droit lire Qur’aan sans touche li.(e.g. quand ou fin passe l’urine, la selle ou du vent)
Najaasat-e-mar`ee:
c’est ene malpropte qui visible et li ilportant pour ene musulman pour reste propre avec li. Et si sa malpropte la fin gagne lors li ou so linge alors li besoin lave li.Najaasat-e-haqeeqi aussi diviser en deux parti:
- Najaasat-e-ghaleezah comme:
– L’urine, la selle, du sang et dipi de ene dimoune.
– L’urine, la selle, du sang et la chair de tout banne zanimaux pas halaal e.g. lions, chats, chiens.
– La selle banne zanimaux halaal.
– Banne zanimaux halaal ou haraam zotte cadavre.
– Porc.
– Lichien so restant et la salive.
– Banne zanimaux sauvage/carnivore zotte restant et zotte la salive.
– Poule et canard zotte malpropte.
– La graisse banne zanimaux haraam.
– L’alcol
Najaasat-e-ghaleezah so hukam: Si ene de sa banne najaasat-e-ghaleezah qui fin mentionner la hors, gagne lors nous le corps ou linge, et superficie de ene coin Cinq roupies ou moince, alors pour gagne droit lire namaaz avec li(mais li makrooh pour lire namaaz dans sa linge la si ena facilite pour lave linge la ou ena lot linge prope pour metter). Mais si li plus qui ene coin Cinq roupies, alors pas pour gagne droit lire namaaz avec li et pour besoin lave li.
- Najaasat-e-khafeefah comme:
– L’urine cheval
– L’urine banne zanimaux halaal.
– Malpropte banne oiseaux haraam.
Najaasate-khafeefah so hukam: Si ¼ linge ou parti le corp fin gagne najaasat-e-khafeefah alors pas pour gagne droit lire namaaz avec li et pour besoin lave li.Mais si li moince qui ¼ alors pour gagne droit mais li pour makrooh pour lire namaaz avec li si ena facilite lave linge la ou change linge la.
Facon pour lave ene najaasat: Si najaasat la visible (comme du sang, la selle etc.)alors linge la pour vin propre aussi tot qui tout trace de sa najaasat la fin sorti quand laver. Et si najaasat la pas visible (comme l’urine) alors pour besoin lave linge la trois fois avec delo propre et perce linge la bien chaque fois quand laver.
Note: Banne zanimaux qui zotte restant paak, zotte transpiration aussi paak, et banne zanimaux qui zotte restant napaak, zotte transpiration aussi napaak.
ISTINJA
Q: Qui sa veut dire istinja?
A: Istinja veut dire lave/retire banne malpropte qui lors nous le corp après qui nous passe l’urine ou la selle.
Q: Comment pour alle toilet d’apres sunnat?
- Avant rente dans toilet lire sa dua la اللهم إنى أعوذبك من الخبث و الخبائث (Allah humma inni aou’zu bika minal khubuthi wal khabaaith. )
- Rente avec lipied gauche
- Assizer et faire beaucoup attention qui pas gagne l’urine dans linge.
- Essuye avec tissu, après prend delo avec la main droite et lave avec la main gauche
- Sorti avec lipied droite
- lire dua quand sorti depuis toilet غفرانك الحمد لله الذى أذهب عنى الأذى و عافانى (Ghufraanaka alhamdu lillah hillazi azhaba a’nnil azaa wa a’afaanee)
Q: Qui banne zafaires nous besoin pas faire quand alle toilet?
- Pas rente dans toilet pied-nu ou “bareheaded”
- Pas servi la main droite pour faire istinja
- Pas coser, lire Qur’aan ou nirmporte qui livre ou faire zikr dans toilet
- Pas amene aucun kitchose avec Allah so nom dans toilet
- Pas assize vers qibla dans toilet
La Proprete
Allah fin dire :”إن الله يحب التوابين و يحب المتطهرين” (Baqarah;222)
“Allah certainement content banne dimoune qui demande pardon et banne qui reste propre.”(Baqarah:222)
Rasoolullah (saw) fin dire: الطهور شطر الإيمان (Muslim)
“La proprete la motier de imaan”(Muslim)
WUDHU
Q: Qui sa veut dire wudhu?
A: Ene musulman besoin purifier limeme avant debout pour namaaz. Sa purification la apelle wudhu.
Q: Comment besoin faire wudhu?
A: Celui qui pe faire wudhu apelle li mutawad-dhi.
- Mutawad-dhi la besoin essaye tourne vers qibla pour faire wudhu.
- Faire l’intention et lire sa dua la بسم الله و الحمد لله Bismillahi wal hamdu lillahi.
- Lave la main jusqu’a poignet trois fois.
- Lave la bouche trois fois et servi miswaak.
- Met delo dans nene avec la main droite et nettoie avec la main gauche so ti le doit et pousse trios fois.
- Lave figure trios fois commencant depuis cot cheveux pousser jusqu’a enbas menton, et depuis ene lobe de l’oreille jusqu’a l’autre.
- Lave la main droite jusqu’a coude trios fois.Apres faire pareil pour la main gauche.
- Faire masah entier la tete, oreilles et licou.
- Faire khilaal banne les doits.
- Lave lipied droite jusqu’a cheville trois fois et faire pareil pour lipeid gauche.
- Faire khilaal entre banne les doits quand pe laver.
- Lire sa dua la quand fini wudhu اللهم اجعلنى من التوابين و اجعلنى من المتطهرين“
Allah hummaj a’lnee minat tawwaabeena waj a’lnee minal muta twahhi reen.”
أشهد أن لا إله الا الله و أشهد أن محمدا عبده و رسوله
“Ash hadu alla ilaaha illallahu wa ashadu anna muhammadan a’bduhu wa rasooluhu”
Q: Qui banne zafaires qui makrooh dans wudhu?
- Faire wudhu dans ene place sale/napaak.
- Nettoie nene avec la main droite.
- Coser pendant wudhu.
- Gaspille delo.
- Avoye delo lors figure.
- Prend siport quand pe faire wudhu sans aucun necessite.
- Servi nouveau delo pour chaque masah.
Q:Qui banne zafaire casse wudhu?
- Passe l’urine, la selle ou “pass wind”.
- Quand du sang ou dipi couler depuis nirmporte qui parti le corps.
- Vomi la bouche plin.
- Rire a haut voix dans namaaz.
- Tombe sans connaisance.
- Quand vin fou.
- Quand vin sous ou bien droguer.
- Quand du sang coule dans la bouche et li egale ou plus qui la salive.
- Quand dormi, en s’alongant ou en s’appuyant contre quelque chose.
- N`importe ki kitsoze sortie depuis parti prive casse wudhu.
TAYAMMUM
Q: Qui sa veut dire tayammum?
A: Tayammum c’est ene moyen pour purifier nous avec la terre, depuis najaasat-e-hukmi, quand delo pas disponible ou quand pas capave servi delo.
Q: Comment faire tayammum?
- Faire l’intention:”O Allah, mo pe faire tayammum pour purifier moi et pour mo capave lire namaaz,”
- Tap tout les deux la main lors la terre et saqouille la terre qui en plus.Passe/frote tout les deux la main bien lors figure.
- Tap tout les deux la main lors la terre ene deuxieme fois et saqouille la tere en plus. Passe la main gauche lors la main droite jusqu’a coude et faire pareil avec la main gauche.
Note: si ene ti place aussi pas fin faire tayammum alors tayammum la pas pour conter.
Q: Qui banne zafaire farz dans tayammum?
l’intention
Tap la main lors la terre et passe lors figure.
Tap la main lors la terre et passe lors deux la main jusqu’a coude.
Q: Qui banne zafaire casse tayammum?
Tous banne zafaires qui casse wudhu, casse tayammum aussi.
Si tayammum fin faire a cause manque delo alors tayammum pour casser comment gagne delo.Et si tayammum fin faire a cause ene maladie alors tayammum pour casser comment excuse la fini.
Q: Avec qui zafaire capave faire tayammum?
- La terre
- Du sable
- Roche
- Marbre naturelle
Q: Avec qui zafaire pas gagne droit faire tayammum?
A: Metal, verre, du bois, tous banne zafaire qui bruler, fonne ou pourri.
Haiz
Q: Qui sa veut dire haiz?
A: Haiz veut dire du sang habituel qui couler depuis ene madame so vagin tout les mois.
Note : si ene madame finne faire perte de ene fœtus ki pas finne prend forme, alors du sang ki li pou gagne pou compte comme haiz.
Q: Combien jour capave gagne haiz?
Minimum trois jour et maximum dix jours.
Q: Qui banne couleurs qui conte comme haiz?
Couleur du sang et jaune, orange, rouge, couleur la terre. Nirmporte qui couleur excepter blanc.
Q: Qui banne zafaire qui pas gagne droit faire pendant haiz?
- Lire ou touche Qur’aan
- Rente dans masjid
- Lire namaaz
- Garde roza
- Faire tawaaf Ka`ba
- relation sexuel
Q: Combien jour minimum ene madame capave reste propre entre deux haiz?
A: 15 jours.
Q: Qui l’age ene tifi capave vin baaligh?
A: A l’age de neuf ans d’apres date Islamic. Si ene tifi pencore gagne so haiz jusqu’a l’age de quinzans (d’apres date islaamic) alors li pou conte comme ene tifi baaligh meme si li pas encore gagne so haiz et namaaz, roza, zakaah etc. pour vin farz lors li.
ISTIHADHA
Q: Qui sa veut dire istihadha?
A: Si ene madame trouve du sang moince qui trois jours ou plus qui dix jours alors li pas pou apelle haiz mais li pou apelle istihadha (c’est ene maladie) e.g.si ene madame fin trouve du sang pendant 15 jours, alors premier dix jours la pou haiz et le reste cinq jours pour apelle istihadha et li pour conte dix jours par vingt-quatre heuretant i.e. si li ti gagne so haiz samedi 10.00 a.m, alors lendemain 10.00 a.m pour faire ene jour.Li pour conte commesa meme jusqu’a arrive dix jours.
Lors dixieme jour li besoin prend ghusl 10.00 a.m ou bien après 10.00 a.m, mais pas avant, sinon so ghusl pas pou conter. Pareil, si ene madame gagne so nifaas plus qui quarante jours, alors premier quarante jours pou apelle nifaas et le reste jours pour apelle istihadha.
Q: Est ce qui ene madame gagne droit lire namaaz ou Qur’aan en periode de istihadha?
A: Oui. Ene mustahadha (celui qui gagne istihadha) besoin faire tout so banne ibaadat (namaaz, lire Qur’aan, roza etc.) pareil comment ene madame propre.Si li kit namaaz ou bien roza li pou gagne peche.
NIFAAS
Q: Qui sa veut dire nifaas?
A: Du sang qui couler depuis ene madame so vagin après qui li fin donne naissance. Si ene madame finne faire perte de ene fœtus(ki finne prend forme) ou bien perte de ene zenfant 4 mois, alors li pou gagne nifaas.
Q: Combien jour capave gagne nifaas?
A: Pena aucun limite pour minimum jour mais maximum c’est quarante jours.
GHUSL
Q: Qui sa veut dire ghusl?
A: Ghusl veut dire prend ene bain.
Q: Quand ghusl vin farz?
- Quand ene madame complete so haiz.
- Quand ene madame complete so nifaas.
- Apres relation sexuel.
- Pendant reve si liquide sexuelle finne sortie.
- Decharge sexuelle. Si ene missier ou ene madame finne trouve liquid finne sortie après ene climax sexuel, alors li bizin faire ghusl.
Q: Comment besoin faire ghusl?
A: Sunnat facon pour faire ghusl:
- Commence avec le nom d’Allah et faire l’intention.
- Lave tout les deux la main jusqu’a poignet.
- Lave parti prive meme si li sale ou propre.
- Lave banne place lors le corp cot ena malpropte.
- Faire wudhu. -Zet delo trois fois lors la tete.
- Zet delo trois fois lors zepol droite et faire pareil pour zepol gauche.
- Mouille entier le corp bien. Note:quand faire wudhu, gargarise la bouche bien et met delo dans nene jusqu’a parti mou.
Trois obligatoires de ghusl :
- Mouille entier le corps
- Mette de leau dans la bouche jusqua la gorge
- et Mette de leau dans nene jusqua le zoz dure.
Banne matiere de le corps ene dimoune et zote traitement selon Islam:
- Du sang: impure et casse wudhu si li finne couler.
- Du pus: impure et casse wudhu si finne couler.
- La crasse: pure.
- Transpiration: pure.
- Urine: impure et casse wudhu.
- Rhume et salete dans nene: pure.
- Salete dans zoreille: pure.
- Urine: impure et casse wudhu.
- Sperm: impure et casse ghusal.
- Mazi (liquid Claire ki sortie depuis partie prive de ene missier quand li gagne excitation sexuel): impure et casse wudhu. Wadi(liquid blanc ki sortie avant uriner ou apres): impure et casse wudhu. Si sa banne liquid la continiuellement sortie, alors ena ene relaxation dans zote traitement. Par example, seulment wouzu ki pou casser ou bien ene seul woudhu ki pou tenir. Pou detail demande ene Mufti ki active lor shariat.
Si sa banne liquid la continiuellement sortie, alors ena ene relaxation dans zote traitement. Par example, seulment wouzu ki pou casser ou bien ene seul woudhu ki pou tenir. Pou detail demande ene Mufti ki active lor shariat.
SALAAH-DEUXIEME PRINCIPE DE L’ISLAAM
حافظوا على الصلوات، و الصلاة الوسطى،و قوموا لله قانتين (البقرة:238)
Q: Qui sa veut dire salaah/namaaz?
A: Salaah c’est ene facon special de prier Allah.
Q: Combien fois par jour besoin lire salaah?
A: 5 fois par jour.
| Namaz | L’heure Commencer | L’heure Fini |
| Fajr | premier la lumiere ki paraitre lor horizon a l’aube (sehri) | Apparition disque soleil (soleil lever) |
| Zuhr | Apres Zenith (soleil plis la haut) | 2 fois l’ombrage (de ene kitchose) |
| Asr | 2 fois l’ombrage (e.g. ene plume) | soleil coucher (disparaitre |
| Maghrib | juste apres coucher du soleil (pas permetre retarder sans raison valable) | Disparition la lumiere rouge (Faire noir completement) |
| Esha | Faire noir completement | L’heure sehri (apparition premier la lumiere lizour) |
Q: Salaah obligatoire lors qui sana?
A: Lors ene musulman, qui fin atteindre l’age puberte et li sain.
Q: Qui sa veut dire azaan?
A: Quand l’heure namaaz approche ene dimoune lire banne mots specific a haut voix pour apelle banne dimoune pour lire namaaz dans masjid, qui nous apelle azaan.
Q: Combien rakaat ena dans chaque namaaz?
- Fajr:2 sunnat et 2 farz
- Zuhr:4 sunnat, 4 farz, 2 sunnat et 2 nafl
- Asr:4 sunnat et 4 farz
- Maghrib:3 farz, 2 sunnat et 2 nafl
- Isha:4 sunnat, 4 farz, 2 sunnat, 2 nafl, 3 witr, 2 nafl
Q : Comment pour faire namaaz?
- Avant commence salaah, faire wudhu.Linge et place cot pour faire namaaz besoin propre. Satar besoin couvert. Pour ene misieur minimum le corp qui besoin couvert c’est nombril jusqu’a enbas jenoux.Pour ene madame so entier le corp besoin couvert excepter so figure, deux la mains et deux lipieds.
Debout droite avec deux lipieds coste ensemble vers qibla.
- Faire l’intention namaaz qui ou pour lire.(pas necessaire avec la bouche)
- Leve tout les deux la main jusqu’a zepol en disant الله اكبر
Allahu akbar.
La main besoin pas sorti en dehors burqa.Attache la main lors l’estoma;la main droite so paume besoin lors la main gauche so “back”.Pendant qiyaam, regard besoin cot place faire sajdah.
- Lire thana
سبحانك اللهم و بحمدك و تبارك اسمك و تعالى جدك و لا إله غيرك
Subhaana kallah humma wa bi hamdika wa tabaara kasmuka wa ta’ala jadduka wa la ilaaha ghairuk.
- Lire:
– ta’awwuz
أَعُوْذُ بِاللهِ مِنَ الشَّيْطَانِ الرَّجِيْم
A’ouzou billahi minashai twa nir rajeem.(Qur-aan)
Mo cherche protection avec Allah contre shaitaan le maudit.
-tasmiyyah
بِسْمِ اللهِ الرَّحْمنِ الرَّحِيْم
Bismillahir raHma nirraHeem.(Qur-aan)
Mo commence avec le nom d’Allah, celui ki ena boucou pitie et bien misericorde.
-Surah faatiha
الحمد لله رب العالمين*الرحمن الرحيم*مالك يوم الدين*اياك نعبد و اياك نستعين*اهدنا الصراط المستقيم*صراط الذين أنعمت عليهم غير المغضوب عليهم و لا الضالين*
Al hamdu lillahi rab bil ‘aala meen, ar rahmaa nir raheem, maaliki yaumid deen, iyaa ka na’budu wa iyaa ka nasta een, ih dinas siraatal mustaqeem, siraatal lazeena an a’mta alaihim ghairil magh doobi alaihim wa ladh dhaaleen.Aameen.
-lire bismillah et lire nirmporte ene surah depuis Qur’aan.Surah la besoin au moins trios petit aayat ou ene long aayat.
قل أعوذ برب الفلق*من شر ما خلق*و من شر غاسق إذا وقب*و من شر النفثت فى العقد*و من شر حاسد إذا حسد*
Qul aou’zu bi rabbil falaq, min sharri maa kha laq, wa min sharri ghaa siqin izaa waqab, wa min sharrin naffaa thaati fil uqad, wa min sharri haasidin izaa hasad.
- Alle dans rouku en disant اللهُ اَكْبَرْ
Allahou akbar
Allah plus Grand.
Verse au tant qui tout les deux la main zotte bout le doit touche commencement jenoux.Banne les doits besoin reste fermer.Le bras besoin reste coste avec le corp.Cheville besoin zoine ensemble.Regard besoin lors lipied.Lire trios, cinq ou sept fois
سُبْحَانَ رَبِّىَ الْعَظِيْم
SoubHaana Rabbi yal ‘azeem.(Mustadrak Hakim) Gloire a mon Rabb,le plus Grand.
- Debout depuis rouku en disant
سَمِعَ اللهُ لِمَنْ حَمِدَهْ
Sami ‘allahou liman Hamidah.(Bukhari)
Allah finne ecoute celui qui finne adore li
Quand fini debout droite lire
رَبَّنَا لَكَ الْحَمْد
Rabbanaa lakal Hamd.(Bukhari)
O nous Rabb! Tout louange pour Toi.
- Alle dans sajdah en disant الله اكبر Premier pose jenoux, après tout les deux la mains,nene et front. Les doigts la main besoin bien fermer vers qibla, en ligne avec Oreille.Pose la tete entre les deux mains.
Tire tout les deux lipieds cote droite, vers qibla.
Ene madame so sajdah besoin bien renfermer, dans ene facon qui so vente coste avec so jambs,le bras coste avec so le corp.
Dans sajdah lire trios, cinq ou sept fois سُبْحَانَ رَبِّىَ اْلأَعْلى
SoubHaana Rabbi yal a’alaa.(Mustadrak Hakim)
Gloire a mo Rabb,le plus Haut.
- Lire الله اكبر et leve la tete depuis sajdah (leve front premier apes leve nene).Pose deux la main lors la jambe pres avec jenoux et assize droite.(toujours avec lipieds sorti cote droite vers qibla)
- Lire الله اكبر et faire deuxieme sajdah pareil comment premier sajdah.Apres sajdah lire الله اكبر et debout droite (sans assizer). Besoin pas prend aucun support quand pe debout depuis sajdah.
- Dans deuxieme rakaat faire tous pareil comment dans premier rakaat excepter thana(thana lire juste dans premier rakaah).
- Quand fini faire deuxieme sajdah du deuxieme rakaah, lire الله اكبر et assizer (toujours avec les mains sur les jambs pres avec jenoux, les doight vers qibla et les pieds sorti cote droite vers qibla).Regard besoin sur les jambs.Lire tashahud:
اَلتَّحِيَّاتُ ِللهِ وَ الصَّلَوَاتُ وَ الطَّيِّبَاتُ اَلسَّلاَمُ عَلَيْكَ اَيُّهَا النَّبِيُّ وَ رَحْمَةُ اللهِ وَ بَرَكَاتُه اَلسَّلاَمُ عَلَيْنَا وَ عَلى عِبَادِ اللهِ الصَالِحِيْن اَشْهَدُ اَنْ لاَّ اِلهَ اِلاَّ اللهُ وَاَشْهَدُ اَنَّ مُحَمَّدًا عَبْدُه وَرَسُوْلُه
At taHiyyaatou lillaahi was swalawaatou wat twayyibaatou as salaamou ‘alaika ayyou han nabiyyou wa raHmatoullahi wa barakaatouhou assalaamou ‘alainaa wa ‘alaa ‘ibaadilla his swaliHeen.Ash hadou al laa ilaaha illallahou wa ash hadou anna MuHammadan ‘abdouhou wa rasoolouh.(Bukhari)
Tout banne prieres qui fin accomplir par banne paroles/la bouche ,actions corporel et richesse convenir Allah.Que la paix soit sur toi,O Prophet,et la Clemence d’Allah et So benediction.Que la paix soit sur nous et lors Allah so banne serviteurs pieux.Mo temoigner qui pena aucun bondier excepter Allah et mo temoigner qui Muhammad (s.a.w)Allah so serviteur et so messager.
Quand arrive cot kalimah (dans tashahud), forme ene circle avec la main droite so pousse et le doigt au milieu.Quand lire “laa ilaa ha”leve l’index la hors et quand lire “illal laahu”besse l’index la.
Pousse et le doigt au milieu so circle besoin reste pareil jusqu’a la fin tashahud/salaah.
- Si ene dimoune pe lire quatre rakaah alors li besoin lire juste tashahud (illalah) et debouter.
Lire الله اكبر et debouter et lire deux dernier rakaah.
Besoin pas ajoute ene ti surah après surah faatiha dans troisieme et quatrieme rakaah dans ene namaaz farz.
Mais si lie ne nafl ou sunnat namaz, li waajib pour ajoute ene surah après surah faatiha.
- Apres deuxieme sajdah du quatrieme rakaah lire tashahud pareil (jusqu’a finition) après sa lire durood-e-ibraahim.
أَللّهُمَّ صَلِّ عَلى مُحَمَّدٍ وَّ عَلى آلِ مُحَمَّدٍ كَمَا صَلَّيْتَ عَلى اِبْرَاهِيْمَ وَ عَلى آلِ اِبْرَاهِيْمَ اِنَّكَ حَمِيْدٌ مَّجِيْد أَللّهُمَّ بَارِكْ عَلى مُحَمَّدٍ وَّ عَلى آلِ مُحَمَّدٍ كَمَا بَارَكْتَ عَلى اِبْرَاهِيْمَ وَ عَلى آلِ اِبْرَاهِيْمَ اِنَّكَ حَمِيْدٌ مَّجِيْد
Allahoumma swalli ‘alaa MuHammadiw wa ‘alaa aali MuHammadin kamaa swallaita ‘alaa ibraaheema wa ‘alaa aali ibraaheema innaka Hameedoum majeed.(Bukhari)
O Allah!Averse To Clemence lors Muhammad(s.a.w)et so famille (supporteur) pareil comment Tone averse To Clemence lors Ibraaheem(a.s) et so famille(supporteurs).Certainement To meme meritoire et le plus Haut.
- Apres durood lire nirmporte qui dua qui derive depuis Qur’aan ou Hadith. Ene dua commun c’est:
أَللّهُمَّ اِنِّىْ ظَلَمْتُ نَفْسِىْ ظُلْمًا كَثِيْرًا وَّلاَ يَغْفِرُ الذُّنُوْبَ اِلاَّ اَنْتَ فَاغْفِرْ لِىْ
مَغْفِرَةً مِّنْ عِنْدِكَ وَ ارْحَمْنِيْ اِنَّكَ اَنْتَ الْغَفُوْرُ الرَّحِيْم Allahoumma inni zwalamtou nafsi zoulman katheeran wa laa yaghfirouz zounooba illa anta faghfir li maghfiratan min ‘indika warHamni innaka antal ghafoor-ur-raHeem.(Bukhari)
O Allah! Mon bien faire momeme du tort et personne pas pardonne peches excepter Toi.Pardonne moi et pitie moi.Certainement To meme qui Pardonneur et le Misericordieux.
- Apres dua tourne figure cote droite en disant
اَلسَّلاَمُ عَلَيْكُمْ وَ رَحْمَةُ اللهِ
Assalaamou ‘alaikoum wa raHmatoullah.
Que la paix soit sur toi et le Clemence d’Allah.
Faire pareil cote gauche.Quand faire salaam, faire l’intention banne anges et regard besoin lors zepoles.
ENA 6 FARAZS(OBLIGATOIRES) DANS SALAAT :- Premier Allahou Akbar ki dire ler commence namaz.
- Dibouter.
- Lire au moins ene ayat Qur`aan.
- Ruku` : verser et attrape ou touche(madames) genoux.
- Deux Sajdahs : prosterner et pose front lor la terre.
- Dernier assizer dans dernier raka`t.
ZAKAAH-TROISIEME PRINCIPE DE L’ISLAAM
أقيموا الصلوة و آتوا الزكوة و اقرضوا الله قرضا حسنا، و ما تقدموا لأنفسكم من خير تجدوه عند الله هو خيرا و اعظم أجرا (المزمل:20)
Q : Zakaat ki été sa?
A : C`est pour tire 2.5% depuis du bien ene riche dans l’intervalle un an et pour remettre li a ene pauvre.
Q : Lors ki sanla zakaat li obligatoire ?
A : Le prophète d`Allah (p.s.s.l.) fine dire : ‘‘Pena zakaat lors 190 dirhams, mais remette cinq dirham (zakaat) lors 200 dirham.’’ Tirmizi. Dirham ti ene pièce l`argent métal sa l`époque la. 200 dirhams so poids li 612.33 grammes l`argent. Celui ki possède sa valeur la et après ene période d`un an lunaire li trouve li avec sa balance la ou plus li pou bizin tire zakaat par 2.5% lors valeur nette. Celui ki pena sa valeur la, li pas pou tire zakaat.
Q : Dans ki bannes du bien ki bizin tire zakaat?
A : Bannes espèces ki taxables : l’argent liquide ou dans la banque en toute devise, l’or ou l’argent métal ou bien en bijou, stocks marchandises ki à vendre, débiteur (bannes ki doit ou l’argent), bannes actions ou investissement de capital, zanimaux et lors récoltes plantations.
Q : Ki bannes du bien ki pas taxable par zakaat ?
A : Sa bannes du biens la pas taxable : la case, diamants, perles, rubis, bâtiments l’usine, l’appareil production, goodwill, l’auto et bad depts, meubles ou électroménager, terrains, zoutils ki servi pou travails et l’auto.
A noter ki si sa bannes du biens (maison, voiture, diamants, etc.) si fine achetés pour commerce, alors zotte taxables par zakaat.
Q : Pou ki sanla mo bizin donne zakaat en premier?
A : Li préférable pou donne ene pauvre dans ou famille même ki pas possède nisaab. Mais pena droit donne zakaat parmi ou bannes ascendants (papa, mama, dada, etc.) et ou descendants (enfants, ti zenfants, etc.).
Q : Ki consignes prophète (s.a.w.) fine donné lors distribution zakaat ?
A : Le prophète (saw) fine explicitement recommande Mu`az (r.a.) pour distribuer zakaat parmi bannes pauvres dans sa pays la même quand li ti pe alle Yemen :‘Informe zotte (dimounes de Yémen) ki Allah fine faire zakaat obligatoire lors zotte du bien, pou prend depuis zotte riches et pour remettre à zotte pauvres.’’(Bukhari) Donc règle générale pou distribution Zakaat c’est ki partage sa du bien la dans sa l`endroit ki li trouvé géographiquement. C`est pour cela ki li Makrouh et détestable selon bannes érudits (Shami, Hidaya, Sharah Ibn Majah) pour envoye zakaats dans bannes les autres l’endroit sauf pour deux raisons :
- Liens familiaux dans les autres l’endroit.
- Les autres endroits plus en besoin ki bannes récipients locaux.
Donc nous bizin distribué nous zakaat localement d’apres l’ordre général. L’ordre d`exception li applique seulement quand ena bannes critères de l`exception.
Exemple couma pou calcul Zakaat :
L’acquittement de 2.5% du Zakaat :
| Assets | Rs |
| Stock in hand | 20 000 |
| Cash in hand | 1 000 |
| Cash at bank | 60 000 |
| Dedtors | 2 000 |
| Gold and silver jewelry | 15 000 |
| Total Assets | 98 000 |
| Liabilities | Rs |
| Creditors | 20 000 |
| Loans | 11 000 |
| Total Liabilities | 31 000 |
| Net Assets | 67 000 |
Retire liabilities depuis assets : 98 000 – 31 000 = 67 000
Zakaat = 2.5% de Rs 67 000 = Rs.1675.
Si NetAssets li plus ki nisaab, alors sa dimoune la li qualifié riche par Shariat et donc li bizin tire zakaat. Maintenant bizin remette sa zakaat la a kikène ki pas possède nisaab sous aukène forme, en plus de so bannes nécessités. Même si bijoux pas fine dépasse nisaab, pou bizin ajoute li avec bannes du biens ki taxables.
Q : Est-ce ki quand paye taxe ou CSR capave compte couma Zakaat ?
A : Non. Zakaat li stipulé selon bannes critères du shariah seulement pour gagne satisfaction divine. Li pas ene mesure fiscale.
Q : Ki nous bizin faire avec l’argents l`intérêts dans nous comptes ?
A : Bizin débarrasse sa l’argents la en temps et lieu dans la main bannes pauvres musulmans sans l’intention sawaab.
SAUM-QUATRIEME PRINCIPE DE L’ISLAAM
يا أيها الذين آمنوا كتب عليكم الصيام، كما كتب على الذين من قبلكم، لعلكم تتقون (البقرة:183)
Q : Qui sa veut dire saum?
A : Saum veut dire reste loin avec manger, boire et relation sexuele commencant depuis subah saadiq jusqu’a coucher du soleil, avec l’intention saum/roza.
Q : Saum farz lors qui sana?
A : Saum farz lors tous musulman, qui baligh (atteindre puberte), qui sain et li conscient de ramadhaan.
Q : Quand besoin garde roza?
A : Pendant le mois de ramadhaan entier.Roza commencer quand trouve la lune du mois ramadhaan.
Q : Banne points important concernant saum
- Avant subah saadiq li sunnat pour mange ene repas leger, qui apelle sehri.
- Faire l’intention pour roza:
بصوم غد نويت
“Li swami ghadin nawaitu”
- Roza terminer l’heure coucher du soleil. Lire sa dua la quand casse roza:
أَللّهُمَّ لَكَ صُمْتُ وَعَلى رِزْقِكَ أَفْطَرْت
Allahoumma laka swoumtou wa ’Alaa rizqika aftwartou.(Abu Dawood)
O Allah !C’est pour Toi ki mo fine garde roza et c’est de To nourriture ki mo casse mo roza.
- Pendant le mois de ramadhaan besoin lire ene namaaz special après isha (avant witr) qui apelle taraweeh.
- La fin de ramadhaan célèbre avec eid.
Q : Est ce qui ena dimoune qui exempte de roza?
Oui.
- Ene dimoune qui en voyage(Plis ki 78 kms).
- Ene madame enceinte qui senti li faible.
- Ene madame qui en regles ou nifaas.
- Ene dimoune qui bien malade.
Note : Banne dimoune qui rate roza pendant ramadhaan besoin remplace li après.
Q: Ki été roza?
A : Roza c`est pou reste sans manger, boire et relations intimes de avec intention pou gagne récompense (avec Allah Ta`ala) depuis l`aube jusqu`a soleil coucher.
Q : Dans ki bannes jours ki roza obligatoires?
A : Roza li obligatoire pendant toute long mois Ramadhaan.
Q : Lors ki sanla ki roza obligatoire ?
A : Li obligatoire lors bannes missiés et madames non voyageurs d`es l`âge puberté. Ene garçon li atteint puberté lors so premier éjaculation, et ene tifille vine adulte quand li gagne so première règle.
Q : Ki bannes actions ki casse roza?
A : Sa bannes actions la casse roza :
- Manger avec conscience
- Boire avec conscience.
- Relations sexuelles avec pénétration volontaire ou involontaire.
- Suppositoire.
- Mette l`apareil ou bien le doigt humide dans le vagin ou annus jusqua arrive sa place suppositoire la.
- Mette ‘tampons’ dans vagin.
- Bannes médicaments liquides pour zoreille.
- Goutes dans nenez.
- Goutes dans la gorge. Li pas recommandé pou gargariser dans wudhu pendant roza.
- Envale manger ki fine coincé entre les dents ki grosseur ene la grain gram ou plus. Mais si manger la fine sorti depuis dans la bouche et puis fine envaler, meme si li pli tipti ki ene la grain gram, roza la cassé.
- Si fine allume du bois `oud ou lowban ou parfums avec fumé volontairement pour respire so exhalations.
- Fume cigarette, la pipe ou houqqah.
- Vomi la bouche plein volontairement.
- Envale du sang ou la crache ki fine melanger avec du sang et ena du sang plis la dans. Roza la pou aussi cassé si la crache et du sang meme quantité. Mais si pas fine gagne gout du sang ou couleur blanc dans salive li plis ki rouge ki ena dans i sang, alors roza pas pou casser.
- Ejaculation avec masturbation ou pendant sexe oral.
- Manger ou boire et li penser ki pas encore arrive l`heure pou garde roza.
- Manger ou boire par erreur. Ex: penser ki roza fine cassé après ki fine faire vaccin, alors li manger et boire.
- Mette le doigt humide ou l’appareil avec solution humide dans l`anus (lieu de suppositoire).
- Menstruation.
- Vaccin dans l`estomac ou dans la cervelle.
- Pansemant l`estomac ou la cervelle.
- Chewing gum.
- La pompe medicale pour bannes asthmatique
Q : Quand nous bizin remplace roza?
A : Tous les 23 obligent remplacement(Qada).
Q : Quand Kaffarah vine obligatoire ?
A : Numéros 1 et 2 obligent remplacement et kaffarah. Numéro 3 en cas volontaire, li oblige remplacement et kaffarah, mais en cas involontaire, li oblige seulement remplacement. Numero 17 pou oblige kaffarah si normalement banne dimoune pas penser ki sa action la pou annule roza.
Kaffarah c’est garde 60 roza consécutive.
Q : Si kikene tombe sans conaissance ou perdi la tete ou fine reste dans coma plusieurs jours pendant ramadhaan. Eski li bizin remplace sa bannes roza la?
A : Si fine tombe sans conaissance pendant roza, alors pena pou remplace sa roza la dans toute circonstance. Si fine reste sans conaissance pendant plusieurs jours, alors li bizin remplace bannes roza suivant parski la cause l`inconscience li pas fine faire l`intention.
Q : Si kikène malade, eski li bizin paye fidyah ?
A : Ene malade li excusé pour pas garde roza dans Ramadhaan, mais li bizin remplace li plitard quand li gagne la sante. Pena fidya pour celui ki ena l`espoir pour retrouve so la santé. Fidya li applique seulement pour bannes malades ki pena l`espoir pour retrouve zotte la santé. Ene dimoune malade ki pena l`espoir pou gagne la sante bizin donne fidyah ou bien ene valeur de sadaqatul fitr lor chaque roza.
Q: Ene madame enceinte ou ki pe allaite so bébé, eski li bizin garde roza?
A : Non. Mais si pena aukène danger pour so la sante ou pou l`allaitement de so zenfant, alors li bizin garde roza. Au cas contraire, li remplace so bannes roza apres.
Q : Si auparavant ene dimoune fine casse roza, ki li bizin faire ?
A : Si la personne ti fini atteindre l’age puberté et fine casse roza ramadhaan ki li fine commencé avec l’intention, alors li bizin remplace sa roza la et garde 60 roza comme kaffarah. Kaffarah pour suffi pour plusieurs roza ki li fine cassé pendant ene mois Ramadhaan. Si bannes roza la trouve dans plusieurs Ramadhaan, alors li bizin garde ene kaffarah pour chaque ramadhaan.
Mais si li pas fine commence roza la, et depuis le matin, li pas fine faire l`intention pou roza, alors li suffit pour li remplace sa bannes roza la et pena kaffarah.
Q : Ki bannes actions ki makrouhs ou détestables dans roza?
A : Sa banne actions la pas casse roza, mais zotte détestables et donc bizin éviter :
- Li makrouh pou caresser ou embrasse so madame si sa capave amene zotte vers relation sexuelle.
- Sexe oral.
- Goute ene manger et ensuite crache li. Si le cas oblige, lerla li permissible.
- Pou brosse les dents avec dentifrices ou bien mâche charbon.
- Mâche kitchose.
- Mouth wash (Bain de bouche)
Q : Ki bannes actes ki permissible pendant roza?
A : Tous bannes actions ki pas fine mentionné la haut, zotte permissible et tolérables pendant roza. Nous pou mentionne quelques uns :
- Avale la crache.
- Mette ittar ou parfums.
- Mette sourma(kohol) ou goutes dans les yeux.
- Pou faire vacciner
- Avale la poussière
- Respire la fumer ou lowban involontairement
- Avale le rhume ou phlegme
- Vomi involontairement
- Manger, boire ou relations intimes par oublie
- Mette de l`huile lors la tête
- Massage le corps avec ou sans de l’huile
- Pou prend ene bain
- Faire miswaak (brosse le dent avec du bois) li recommandé même pendant roza
- Extraction du sang
- Mette sérum (drips).
- Faire des pansements bannes blessures lors le corps sauf bannes blessures dans l`estomac ou la cervelle.
- Ejaculation juste par regard, sans toucher
- Wet dream (éjaculation involontaire pendant sommeil) pas casse roza. Li suffit pou prend ene bain sans avale de l`eau et complète so roza.
- Médicament dans partie intime ene missié.
- Mette la crèmes beauté ou la crèmes médicales lors le corps.
- Taille cheveux ou zongles.
- Plomber ou rache le dent sans avale kitchose.
- Tombe sans conaissance pendant roza.
- Commence roza sans ghusl(grande purete)
- Mammographie ou X-ray.
Q : Ki bannes actions ki particulièrement pas recommandés pendant roza?
A : Au fait tous péchés zotte défend pendant roza. Mais bannes ahadiths fine mentionne particulièrement quelques actes. Donc bizin évite sa bannes actes la avec plus rigueur :
- Médisance (Médisance c’est pou cause coser kikene dans so l’absence)
- Cause menti
- Malhonnêteté
- Mauvais actions
- Discuter
- La guere
- Nourriture haraam
- Préserve les yeux et zoreilles contre l`indécence et l`immoralité
HAJ-CINQIEME PRINCIPE DE L’ISLAAM
و لله على الناس حج البيت من استطاع إليه سبيلا، و من كفر فإن الله غني عن العالمين (آل عمران:97)
Q : Qui sa veut dire haj?
A : Haj veut dire visite banne place special (Makkah, arafah) dans banne mois special (Shawwal, Zul Qadha, Zul Hijjah) avec banne action special.
En bref hajj faire allusion a faire tawaaf du ka’bah et reste dans arafah.
Q : Haj farz lors qui sana?
A : Haj farz lors ene musulman qui sain, baligh et qui possede largent suffisant pour le voyage de haj et pour so famille qui li pe laisse par derriere.
Q : Qui sa veut dire kabah?
A : Kabah c’est la maison d’Allah dans Makkah. Banne musulmans lire namaaz vers kabah.
Q : Qui banne zafaire farz dans haj?
A : Ihraam:Faire l’intention dans le coeur pour haj et lire talbiyah.
L’intention:O Allah, mo pe faire l’intention pour haj, faire li vin facile pour moi et accepter mi haj.
Talbiyah:
َبَّيْكَ اللّهُمَّ لَبَّيْك لَبَّيْكَ لاَ شَرِيْكَ لَكَ لَبَّيْك إِنَّ الْحَمْدَ وَالنِّعْمَةَ لَكَ وَالْمُلْك لاَ شَرِيْكَ لَك
Labbaik allaahoumma labbaik, labbaika laa shareeka laka labbaik, innal hamda wan ni`mata laka wal mulk, laa shareeka lak.
(Bukhaari)
Li waajib pour lire talbiyah ene fois et li mustahab pour lire li trios fois. Banne misieur besoin lire talbiyah a haut voix et banne madame besoin lire li doucement. Apres talbiyah ene dimoune rentre dans ihram.
-Wuqoof-e-arafah: Wuqoof-e-arafah veut dire reste/passé le temp dans arafah nirmporte qui l’heure entre le neuf Zil Haj après zawaal jusqu’a subah saadiq du dixieme Zil Haj, meme si wuqoof la ti juste pour queque instants.
-Tawaaf-e-ziyarat:C’est ene tawaaf qui capave faire nirmporte qui l’heure depuis subah saadiq du dixieme Zil Hajj jusqu’a le douze Zil Haj quand fini coupe ou corrige cheveux.
Q : Qui sa veut dire umrah?
A : C’est ene ibaadat optionel qui capave faire nirmporte quand pendant l’anne sauf banne mois de haj.
Q : Umrah ene bref.
- Attache ihram avant arrive cot meeqat.
- Lire deux rakaat sunnatul ihram.
- Faire l’intention et reste lire talbiyah constamment.
- Faire tawaaf avec ramal.
- Lire deux rakaat waajib salaah après tawaaf derriere maqaam-e-ibraaheem.
- Faire sa’ee entre safa et marwah.
- Raze/corrige cheveux.
LA VIE APRES LA MORT :
Ene musulman, li croire dans la vie apres la mort. Si finne faire bon action, alors dans tombe li pou gagne tranquilite. Si finne faire mauvais action, alors li pou subir punition dans tombe meme. Apres so l`etappe de tombe, li bizin dibouter pou ranne compte devant Allah(Bon Dieu). Et si li ti ene croyant et li finne faire bon action plis, alors li pou alle dans Paradis insha Allah. Mais li pas ti ene croyant alors du feu l`enfer pou so place. Si li ti croyant mais li ena mauvais action plis, alors li capave subir punition l`enfer pou ene sejour ou bien Allah capave pardonne li.
C`est pour sa ki nou faire du`a ou namaz janazah pour ene musulman ki finne mort afin ki Allah pardonne li et protege li contre punition.
Quand ene dimoune mort, alors nous baigne li. Si ene madame sa, seulment banne madame pou baigne li. Banne missier pou baigne ene missier et pas gagne droit guette entre l`ombril et genoux de ene mayyat. Bizin couvert li et servi les gangs pour nettoye li partout. Nou pou baigne li comment fine expliker faire ghusl en haut. Mais ici quand ghusl fini, alors nous pou pese so ventre legerement et pou leve so li pied afin si ena urine,etc li pou sorti. Apres sa nettoye li et faire Kafan.
Nous pou mette ene missier dans trois la toiles et ene madame dans cinq la toiles. Apres sa, seulement banne missiers pou faire so namaz janazah et enterre li. Banne madames(ki vivant) pas pou lire namaz janazah et ni zote pou rentre dans cimitiere(Qabrastan).
L’HERITAGE
Q : Comment pour distibuer l’heritage de ene mayyat d’apres islaam? A : Pour distribuer l’heritage ene mayyat suive sa la liste la en lorde:
- Servi mayyat so largent pour so kafan et enterrement premier.
- Paye mayyat so banne dette.
- Si largent rester applique wasiyyat (si ena) et seulement 1/3 de saki fin rester pour capave donne dans wasiyyat pas plus, meme si mayyat la fin faire wasiyyat pour plus qui 1/3 so largent.
- Si largent rester distribuer li parmi banne heritiers.
Q : Combien qualite heritier ena?
A : Ena deux qualite heritiers:
- heritiers qui zotte part fin fixer par Qur’aan.Apelle zotte banne faraaiz.
- heritiers qui prend le reste du bien après qui banne faraaiz fin gagne zotte part. Apelle zotte banne ‘asabah.
Q : Comment pour continue distribution parmi faraaiz et asabah?
A : Quand fini tire largent pour mayyat so kafan, enterrement, dette et wasiyyat (si ena) le reste largent pour distribuer entre faraaiz et asabah dans sa lorde la:
- Donne banne faraaiz zotte part fixe d’apres Qur’aan et le reste donne banne asabah.
- Si ena juste faraaiz (pena asabah) alors partage tous du bien entre zotte meme.
- Si ena juste asabah(pena faraaiz) alors partage tous entre zotte meme.
- Si pena ni faraaiz ni asabah, alors donne banne zawil arhaam.
- Zawil arhaam c’est banne famille proche de sa mayyat la qui ni dans faraaiz ni dans asabah.e.g. mamoo.
- Si pena zawil arhaam aussi, alors mawlal mawaalaat qui pour herite du bien la.e.g. ene converti dans l’islaam (ki pena heritier) dans so la vie li faire ene pacte avec ene musulman lors sa condition la:”prends responsabilite de tous mo banne dettes, paye mo banne domages et mo banne contravention dans mo la vie et après mo la mort, mo donne toi tous mo du bien.”
- Si pena mawlal mawalaat, alors c’est zenfant ki mayyat la ti dire so zenfant sa, mais ki pena aucun prevue ki supporte sa declaration la, sa zenfant la ki pour herite mayyat la.
- Si pena personne parmi banne dimoune mentioner la hors, alors si mayyat la ti faire wasiyyat pour entier so du bien pou donne masjid ou bien kikene alors nous pou appliqué sa wasiyyat la pou tous so du bien.
- Si li pas ti faire wasiyyat aussi, alors tous so du bien pou alle dans bait-ul-maal ou bien ene institution islaamic qui pou depense sa largent pou beneficier musulmans.
Note:wasiyyat c’est ene voeux en ecrit ou bien en parole ki après so la mort, donne so du bien a kikene ou kit organization (sa declaration la li valuable si fin faire li en etat de santé.Si fin faire li dans maladie ki li fin mort, alors declaration la pas pou valuable).
Wasiyyat pas valuable pou ene heritier.
Q : Qui banne dimoune zotte part fin fixer par Qur’aan?
A : Papa, dada (papa so papa), frères et soeurs par liaison mama, missie, madame, propre tifi (depuis meme mama et papa), garcon so tifi (ti zenfant), propre soeur (meme mama et papa), soeur de meme papa mais pas meme mama, mama, dadi (papa so mama) et nani (mama so mama).
Q : Qui sana apelle banne asabah?
A : Asabah c’est banne personne masculin ki dans zotte liaison a sa mayyat la, pena aucun madame vini.Zotte diviser en 4 groupes. Dans presence de premier groupe, les zotte banne groupe la pas gagne narien.Groupe asabah de par l’ordre de zotte priorite:
- Garcon, garcon so garcon (ti zenfant), garcon so garcon so garcon (arriere ti zenfant)
- Papa, dada, par-dada/grand dada (dada so papa)
- Freres, neveu (frère so garcon), frère so garcon so garcon.
- Chacha (papa so frère), cousin (chacha so garcon), cousin so garcon (chacha so garcon so garcon).
Note:Pour plus detail faire reference a “comment distribuer mo heritage d’apres islam” publier ene creole par Mufti Mackoojee.
RIBA/L`INTERET
L’interet c’est ene somme l’argent ki reclamer pour cause de delai ki fine accorder pour sa transaction la. Pena aukene service ou produit ki pe echanger pou sa valeur en plis la. L’interet li fixe lore ne pourcantage determine, independent de profit, depuis le debut de sa transaction la.
L’interet apparaitre quand ena differences entre echanges liquids ou entre produits de meme genre.
Exemple (1): La banque offert ene surplus de 8% lors depot fixe.Quand ene dimoune met Rs100000 dans so compte, li gagne Rs8000 en plus, sa Rs8000 en plus la apelle l’interet.
Exemple (2): La banque offert ene loan de Rs100000 et li prend ene surplus de 12% lors loan la. Alors sa surplus de Rs12000 qui client la pou besoin payer apelle l’interet.
L’interet lors ‘barter system’:Si fin faire echange banne produits du meme genre, alors besoin echange zotte avec meme quantums (poids ou volume). Par exemple echange de banne dates avec d’autre dates besoin faire au comptant et obligatoirement avec meme poids.
Q :Ki banne kitsoze ki defanne dans Islam ?
A : Sa banne kitsoze la defanne :
- Associer ene lot avec Allah. Allah pena so egale.
- Sorcellerie
- Touille ene dimoune innocent.
- Mange l`interet.
- Mange du bien ki pas pou ou.
- Accuse ene dimoune de ene kitsoze ki li panne faire
- Jouer le course ou jouer pou cash
- Lotterie, Loto, etc
- Adultere ou approche avec adultere. Islam plitot encourage Nikah de ene missier et madame musulman ki libre.
- Sodomie, homosexualite ou lesbienne.
- La drogue, cocaine, gandia, du vin, whisky et tous ce ki amene soulaison.
- Cause du tort ou prochain. Au contraire, Islam dire si ou agir bien ar ou prochain, Bon Dieu pou agir bien ar ou. Si ou pena pitie pou ou prochain, Bon Dieu pas pou ena pitie pou ou.
- Faire dominere lor madame ou zenfant. Au contraire, Islam encourage pou vivre ene la vie familiale et surtout agir bien ek famille.
- Cause menti, voler, malhonnettete ou coquin.
- Jourer, maltraité ou vulgaire. Au contraire, Islam encourage la courtoisie envers tous dimoune et meme envers zanimaux.
- Rancune, jalousie et fierte.
- Casse promesse.
- Desobeissance parents.
- Denier le prophete Muhammad en tant ki prophete. Denier ene detail important de Islam.(ene ayat qur-aan par example). Ou bien dire qui apres prophete Muhammad ena lot prophete.
- Indecence, expose le corps en pubic. Islam donne valeur le corp humain. Ene missier bizin couvert entre l`ombrille et genoux. Ene madame li plis precieuse et bizin couvert entier so le corps. Linge bizin pas colle lor le corps et ni faire forme le corps.
- Relation pendant regles(menstruations)
- Pas rembourse dette.
- Mange impurete. Islam empeche mange porc , chate, li chien, lion, tigre, hyène, renard, leopard, lienne, cheetah, bourik, élephant, ek zako.
Par contre : Chameau, bœuf, cerf, cabris, mouton, buffalo , zebra, lièvre et lapin zote halaal et capave mange zote si egorge zote lor nom Allah.
En ce qui concerne banne zoizo couma l`aigle, faucon, vautour et corbeau ki mange zanimaux mort et banne zoizo chasseurs ki dans sa genre la zote tous haraam.
Par contre bannes zoizo couma : Pigeon, perdrix, tourterelle ek moineau zotte halaal si egorge zote lor nom Allah.
Tout bannes insectes zote haraam et pas gagne droit manger :
fourmi, escargo(kourpa), mouche, cancrela, mouche jaune, lipou , le vers , moutouk , insect ki trouve dans fruit ek insecte ki trouve dans tame.
COMMENT POU RENTRE DANS ISLAAM
Accepter Islaam li bien facile. Celui/celle qui envie accepter islaam capave faire li toutseul ou bien par l’aide ene musulman. Mais li meilleur pou alle cot ene maulaana (pretre musulman) pour qui maulaana la capave aide li prononce le kalimah shahaadah et pour donne li ene ti introduction lors islaam.
Le kalimah shahadah:
اَشْهَدُ اَنْ لاَّ اِلهَ اِلاَّ اللهُ وَاَشْهَدُ اَنَّ مُحَمَّدًا عَبْدُه وَرَسُوْلُه
Ash hadou al laa ilaaha illallahou wa ash hadou anna MuHammadan ‘abdouhou wa rasoolouh.(Qur-aan)
Mo temoigner qui pena aucun bondier excepter Allah et mo temoigner qui Muhammad(s.a.w)Allah so serviteur et so messager.
Apres qui li finne prononce le kalimah shahadah avec sincerite et conviction, alors li pour vine ene musulman.
Mais so responsabilite pas fini la meme. Aster li pour besoin prend banne cours/lecons pour augmente so connaisance dans islaam et met sa banne connaisance la en pratique.
Benefices accepter islaam:
- paradis eternel
- sauver depuis du feu l’enfer
- Tout so banne peches (qui li fin faire dans le passé) effaser
- Vivre ene la vie propre et equilibree.
- Preserver contre beaucoup maladies.
- Preserver avec gaspillage.
- preserver avec banne fleaux comment jeux du hasard, la boisson alcooliques,etc.
- Bonheur et la paix dans la vie et après la mort
- comprend banne creation autour nous. Si ti ena ene ene deuxieme Bon dieu, alors ti pou ena la guerre dans le ciel et dans la nature. Mais l`harmonie ki ena dans le ciel et la terre li preuve de l`unicite d`Allah Ta`ala.
- Islam promouvoir valeurs humaine. Li faire nou vinne plis dimoune.
Pou plis information lor Islam, contactez nous au Centre de Valeurs Humaine :
34 SSR street
Port Louis
Tel : 208 0125/ 792 1333
mufti@orange.mu