Bismihi Ta’ala 

*COMMUNIQUE IMPORTANT POU TOUS MUSULMANS A MAURICE.**Apres ki nous finne consulté banne authorités concernés et vu qui confinement a Maurice finne prolonger jusqu’à 4 Mai, alors banne musalmans bizin prend zote precautions a propos Ramadhaan. Parski Ramadhaan pe commence environs 25 Avril.* *ROZA PAS EXCUSÉ**Roza li farz. Et confinement pas ene excuse pou rate roza. Donc confinement ou pas, nous bizin garde tous nous roza. Nous pou envoye Calendrier sehri iftaar lors plusieurs plateformes multi media et Whatsapp insha Allah. * *NAMAZ DANS LA CAZE**Continuer faire nous 5 fois namaz dans la caze, puisque banne consignes legales pe force nous pou ça. Nous faire istighfaar qui nous pas pe reussi present dans Masjid pou faire masjid abaad. Mais nous prophète Swalallahou Alaihi Wasallam finne enseigne nous discipline et suivre banne mot d’ordre de nous pays. Donc même pendant Ramadhaan, respecter banne discipline reste la caze pendant sa confinement la.* *TARAWEEH DANS LA CAZE**20 Rakaats Taraweeh li sunnah muakkadah lors missiers et madames, garçons et ti filles ki finne atteindre l’âge puberté. Confinement ou pas, nous bizin lire 20 Rakaats Taraweeh la caze. Ene missier baaligh ou ene homme capave faire imaam pou so la famille la caze. Certains sahabahs ti pe lire taraweeh avec zote famille dans la caze. Donc pas manque taraweeh même si ou ena pou faire li seule. Et lire 3 Witr après Taraweeh parski li wajib.* *DONNE ZOTE ZAKAAT PAREIL**Nous conseils banne musalmanes pou continuer faire zote donation de Zakaat, Sadaqahs, etc pendant Ramadhaan et trouve ene chemin ki pas bizin deplacer pou faire li.* *MADRASSAH NOUS ZENFANTS**Nous bizin essaye banne moyen ki permet nous zenfants pas rate madrassah. Pareil couma lecol online, nous bizin faire ustaad nous zenfants faire madrassah online. Parski Quraan necessite ki nou lire li tous les jours. Et trop beaucoup jours pou passer sans appranne deen Allah. Donc chaque parent veille ki so zenfant suivre madrassah online ou autre façon sans sorti en dehors la caze.* *SALAAHS, ZIKRULLAH ET DUAS POU SORTI DANS SA DIFFICILTÉ LA**Nous banne grand ulamas pe conseille nous pou nou reste lire namaz nafil, Zikrullah, Hasbunallahou wa ni’mal wakeel, Laa ilaaha illallah, Durood et Duas pou qui Allah Ta’ala tire sa difficulté la lors ummat de Rasouloullah Swalallahou Alaihi Wasallam. Rode banne l’heure cote du’as accepter pendant roza et surtout l’heure iftaar et lheure sehri: faire duas pou nou tous.*

Mufti Mackoojee, Hazrat Mowlana Ahmad Bashir Kinoo, Mowlana Yassine Lockhat, Mufti Abdul Qadir Majie, Mufti Talibuddeen Hurroo, Mufti Yassir Hurroo.