How old should the qurbani animal be?

DWQA QuestionsCategory: qurbaniHow old should the qurbani animal be?
admin Staff asked 5 months ago

Est ce qui ene boeuf bizin ena deux ans pou faire Qurbani ? si bœuf la pena deux ans, est ce qui Qurbani pou accepter ?

1 Answers
admin Staff answered 5 months ago

Ene bœuf li bizin ena deux ans pou faire so qurbani. Lor la meme qui sahabas so Ijma` et lor sa meme point de vue qui dans Khairul quroon ti été.
Selon Mu-atta Imam Malik, hazrat Hazrat Abdullah Ibn Umar pas ti pe choisir banne zanimo ki pas finne gagne zote l`age. Selon Ibn Qutaibah, li commente sa athar la et li dire Abdullah Ibn umar ti pe evite banne zanimo ki pas finne gagne so bannes gros les dents.(Nihayah) Selon Sharhe Mishkaat, Hazrat Abu Hureirah r.a. aussi ti pe ena meme l`habitude. Certaine mufassir hadiths couma Ibn Uthair dans livre Quhoustani finne faire remarquer qui ‘Musinnoun’ veut dire ki les dents finne sorti. Al Azhari aussi ena meme l`opinion ki quand ene zanimo so deux gros les dents sorti, alors sa indiquer ki li finne gagne so l`age. Banne celui ki garde zanimo conner ki ene bœuf li gagne so deux gros les deuts enbas quand li finne fini gagne 2 ans. Dans Tajul `uroos ena meme explication. Donc ena Ijma` lorla ki ene bœuf bizin gagne 2 ans pou faire so qurbani. Et banne ulamas finne indique deux gros les dents enbas sorti lerla nous capave juger ki li finne gagne deux ans.
Celui ki finne faire qurbani de ene bœuf ki pena 2 ans, alors qurbani la pas finne compter et li bizin refaire so qurbani de ene zanimo ki ena l`age. Ene cabri, mouton, bouc bizin ena 1 ans. Bœuf bizin ena 2 ans et chameau bizin ena 5 ans. (Shami, Minhaaj, Aini, etc)

Mais seulement ene mouton ena exeption ki capave faire qurbani de ene mouton ki ena 6 mois mais ki de calibre li pareil couma celui ki ena 1 an. C`est parski Rasouloullah SAW finne dire : ‘’Pas coupe ene zanimo pou qurbani a moins si ena l`age. Mais si gagne difficulter, , alors capave coupe ene tipti mouton.’’(Muslim) Selon banne Ahle lughat(linguists) Tipti mouton(Jaza`atan) veut dire ene mouton ki ena 6 mois. (Nawawi) Sa exception la li applique seulement pou mouton couma sa hadith la li pe indiquer.