Du`as li la source de banne `ibadat. Si ene dimoune pas pe capave faire ene `ibadat, alors li demane du`a afin ki Allah Ta`ala aide li pou li acomplir sa œuvre la. Du`a meme li ene `ibadat. Nous capve demanne du`as dans n“importe ki langue, mais li meilleur demanne en arabe. Parski Allah Ta`ala finne met ene l`effet special dans banne du`as masnoonah. C`est pour sa ki li important ki nous lire li dans langage original : Arabe.
Mais li bon cone so traduction afin ki nous lire li avec le cœur. Nous finne essaye amene le texte arabe et aussi so transliteration et traduction afin ki facilite lecteur. Nous finne essaye amene banne du`as avec so source de hadith. Mais comprend ki certaine du`as nous finne gagne en heritage et pas trouve so source exact dans banne livres. Mais nous gagne zote depuis banne zeleves de sahabas ou de tabi`ee.
Mais certainement banne du`as masnoonah bizin rode zote. Par example ene du`a ki alhamdulillah ena c`est pou gagne zenfant ou bien pou gagne garson. C`est banne du`as ki trouve dans Qur`aan et dans hadith. Mais shariat finne recommende ki nous presente action comment namaz, roza, etc et puis a la fin de sa action la faire du`a. Mais important c`est ki nous bizin continuer faire banne du`as la avec conviction et pas perdi l`espoir.
Mo dire Jazaakumullah khairan a tous banne professeurs, surtout Mufti Radha ul Haq, Mowlana Shabir Saloojee, Mowlana Choksi et Mufti M. Ali. Allah Ta`ala recompense Mu`alimahs Maliks et ainsi tous celui ki finne vinne ene moyen direct ou indirect pou ki sa livre la vinne à nous porter. Finne prend la peine pou ki traduction vinne à proximite dans nou context pou gagne sens de banne du`as la.
Mais si bizin plis eclairesissement lor banne du`as masnoonah, alors pas hesiter, contactez nous lor +2307921333 ou bien mail mufti@orange.mu Li bon ki nous ena ene hizb tous les jours pou lire Qur`aan, Zikr et lire du`as. Hizb veut dire lire ene certaine quantite lecture de Qur`aan et faire ene certaine quantite zikr tous les jours. Tire ene le temps et fixer ene place pou sa. Le prophete (saw) ti ena hizb et li ti encourage ene hizb bien leger pou so banne sahabas.
Li finne encourage pou remplace hizb si finne manque li. Si finne manque ene hizb le matin, alors fini remplace li avant zawaal, et si apres alors remplace li avant dormi. Essaye tous les jours avant dormi, lire 2 rakats nafils tahajud. Lire au moins 10 ayats la dans. Si lire deux dernier sourah, alors li faire 11 ayats.
Et faire niyat pou lever avant sehri pou lire au moins 2 rakats nafils. Majorite fois rasouloullah(saw) ti pe lire 8 rakats tahajud(et non pas tarawih). Ena hadith dire ki celui ki manque so tahajjud, li remplace li apres soleil lever(10-15 mins apres) et avant zawaal.
Ene madame ki pas pé lire Namaaz, capave lire sa banne du`as la.