Jummah dans situation LOCKDOWN.

By 0
33

Bismihi Ta’ala 

*JUMMAH DANS SITUATION LOCKDOWN.*

 *Après consultation de banne ulamas, banne authorités de différents écoles de pensés et banne responsable dans les zotes domaines, nous finne prépare sa Jum’ah en état de lockdown:* *A cause lockdown et quand pas pe capave faire Jum’ah normalement dans masjid (pou pas propage Coruna virus), alors capave faire Jum’ah la caze avec minimum 4 missiers. Tout d’abord Jum’ah li appliquer pou hommes seulement. Donc banne madames lire zote Zohr individuellement et tranquillement la caze. Et si pena 4 missiers, et pena lote choix alors faire Zohr dans zote la caze meme et faire jamaat avec la famille.**Dans tous les cas, nous Jum’ah bizin bref et li bizin ziste remplis banne conditions minimum pou limite nous expositions sociale comme la loi dire nous. Faire wouzu et 4 sunnahs la caze individuellement.**Pou limite contagion malade, pas faire bayaan.  Et faire ene khutbah en Arabe bien courte. Mete ene chaise parski pena mimbar. Imaam assize lors chaise li pou tourne le dos avec qiblah et faire face musallees. Donne azaan devant imaam et apres sa imaam la pou debouter depuis lors chaise et pou faire ene khutbah avec surah fatiha, douroud shareef lor Rasouloullah Swalallahou Alaihi Wasallam et dire Ittaqullah.**Apres sa li assize lors chaise pou 2 seconds sans li lire narien et li redibouter pou faire 2eme khutbah.**Dans deuxième khutbah, lire surah Fatihah, douroud et faire ene duah en Arabe: Rabbana aatina fiddunya hassanah wa fil askhrati hassanah wa qina azaaban Naar. Dans tous les cas, 2 Khutbahs pou ziste en Arabe.**Quand fini 2eme khutbah, imaam tourne vers qiblah pou li lire namaz. Derriere li donne iqaamah et li lire ene namaz possément mais avec ti sourahs. Garde séquence de nous surah. C’est a dire, si lire surah falaq premier rakaat, lire surah naas deuxième rakaat.**Quand fini, disperser et lire sunnah dans ene lotte place, dans zote la caze.**Voila ene Jum’ah minimum dans banne cas lockdown couma nou été.**Ou capave lire Jum’ah dans ene place ki pas lire 5 fois namaz la bas. Mais nécessaire ki dans ou lendroit, en dehors lockdown, masjid de ou localité ti pe faire Jum’ah. Banne ti lendroit couma Bambous verieux ou 4 soeurs, pas capave faire Jum’ah. Si ou ena kite question, alors text nous ou whatsApp lor 57921333.**SA JUM’AH DANS LA CAZE LA PAS CAPAVE PRATIQUE LI DANS TEMPS NORMALE QUAND PENA LOCKDOWN.*
 Mufti Mackoojee

54321
(0 votes. Average 0 of 5)