Selon Quraan et Hadith, li obligatoire pou ki éne musalmaan so du bien distribuer parmi so banne héritiers d’après Shari`at. Donc li ene devoir ki ene personne faire demarche pou ki apres so la mort, so du bien distribuer comment Allah ek So Rasool fine dire. Fraction ki éne madame ou bien éne missié ou bien éne mama ou bien éne sœur gagner li éne obligation (Farz) pareil couma Namaaz, Roza, Zakaat li Farz. Proportion ki nous distribuer l’héritage, li vine principalement depuis Quraan. Le Prophète Muhammad Mustafa fine dire:
حدثنا أبو بكر أحمد بن إسحاق ثنا بشر بن موسى الأسدي ثنا إسماعيل بن أبي أويس حدثني حفص بن عمر بن أبي الغطاف مولى بني سهم عن أبي الزناد عن الأعرج قال قال رسول الله صلى الله عليه وسلم يا أبا هريرة تعلموا الفرائض وعلموه فإنه نصف العلم وإنه ينسى وهو أول ما ينزع من أمتي المستدرك على الصحيحين
“Empranne bannes la loi héritage et enseigne li parce ki li la moitie l’éducation…” (Mustadrak `alas saheehain).
Quand éne dimoune mort, premier so du bien pou être servi dans démarche pou baigne li, kafn et enterre li. Bien sure bizin pena aukène gaspillage ou bien dépense inutile dans sa banne démarche la. Aujourd’hui malheureusement musalmaan pe bizin faire manger lors mayyat, lors 3eme, 10eme et 40eme jour. Sa pratique la li pas sunnah et donc li pas correcte. Sa démarche la, li faire mayyat vine éne dépense bien lourd lors sa famille ki fine déjà attristé par perte de éne membre de famille. C’est ki ena dans hadith c’est plitot banne famille proche et bannes voisins ki amène éne ti peu manger pou sa famille ki fine affecter par la mort. Nous pas mette fardeau lors banne celui ki déjà fine affecter par la mort. Plitot nous aide zotte. Et si nous pas pe alle pou aide zotte, donc pas alle dans la case mayyat.
Apres banne dépense kafn et enterrement si sa mayyat la éna dette alors pou servi so du bien pou paye dette en premier. Si so dette li dépasse quantité du bien ki li ena, alors tous so du bien pou servi dans paye tous sa banne dette la. Dans éne tel cas héritier pas pou gagne narien.
Si cash ou bien du bien fine rester après ki fine paye so dette alors depuis ceki fine rester, si sa dimoune quine mort la, li fine faire éne wasiyyat, alors maximum 1/3 de ceki fine rester pou appliquer pou sa wasiyyat la. Wasiyyat c’est éne vœux en écrit ou bien en parole ki après so la mort, donne so du bien a kikène ou bien kit organisation (sa declaration la li valable si fine faire li en etat de sante. Si fine faire li dans maladie ki li fine mort, alors sa declaration la pas valable). Si éne dimoune li fine faire wasiyyat ki tous so du bien donne Masjid, alors sa wasiyyat la pas pou appliquer complètement mais plitot seulement 1/3 de ceki fine rester après kafn, enterrement et paye dette ki pou donne Masjid. Le Prophète Muhammad pas fine recommandé pou faire beaucoup wasiyyat kan ena héritier dans la famille. 1/3 li beaucoup même sa couma hadith en bas pe indiquer.
حدثنا موسى بن إسماعيل حدثنا عبد العزيز بن عبد الله بن أبي سلمة أخبرنا الزهري عن عامر بن سعد عن أبيه قال جاءنا رسول الله صلى الله عليه وسلم يعودني من وجع اشتد بي زمن حجة الوداع فقلت بلغ بي ما ترى وأنا ذو مال ولا يرثني إلا ابنة لي أفأتصدق بثلثي مالي قال لا قلت بالشطر قال لا قلت الثلث قال الثلث كثير أن تدع ورثتك أغنياء خير من أن تذرهم عالة يتكففون الناس ولن تنفق نفقة تبتغي بها وجه الله إلا أجرت عليها حتى ما تجعل في في امرأتك صحيح البخاري “
1/3 la . . . li trop beaucoup sa.” (Saheeh Bukhari)
Aujourd’hui ena beaucoup Waqf ki banne grand famille fine faire ki reste sans utilité et souvent sa amène discorde dans la famille. Conseil ki nous donne musalmaan, c’est au lieu faire Waqf terrain, meilleur ki dans so vivant li construire éne bâtiment ki so rente pou bénéficier banne institution Islamique.
Apres ki fine fini paye kafn, enterrement, paye dette, et applique wasiyyat (si ena), c’est ki rester pou distribuer parmi banne héritier.
Ena 2 qualités héritier:
- Héritier ki so part li fixé par Quraan, sa banla appelle zotte banne Faraaiz.
- Ene l’autre banne héritier ki zotte prend le reste du bien après ki banne Faraaiz fine fini prend zotte parts. Sa banla appelle zotte `Asabah.
Distribution du bien parmi banne héritier pou commencer par donne banne part fixe a banne Faraaiz, après sa le reste pou alle pou banne Asabah. Si pena Faraaiz, c’est banneAsabah ki prend tous du bien. Si pena `Asabah et ena banne Faraaiz, alors du bien la pou retourne vers banne Faraaiz d’après zotte part ki zotte ena.
Si pena Faraaiz et banne Asabah, alors c’est banne Zawil Arhaam ki pou gagne du bien. Zawil Arhaam c’est banne famille proche de sa mayyat la ki zotte pas ni dans Faraaiz, ni dansAsabah. Eg Mamoo.
Si pena ni Faraaiz, ni `Asabah, ni Zawil Arhaam, alors c’est Mawlal Mawaalaat ki pou hérite sa du bien la. Ene l’exemple de Mawlal Mawaalaat: c’est ki éne converti dans l’Islaam (ki pena héritiers) dans so la vie li faire éne pacte avec éne musalmaan lors sa condition la: «Prend responsabilité de tous mo banne dettes, paye mo banne dommages et mo banne contravention dans mo la vie et après mo la mort, mo donne toi mo du bien en héritage.»
Etant donner éne converti li pena aukène famille musalmaan, alors sa du bien la pou alle pou sa Mawlal Mawaalaat la.
Et puis sa si pena Faraaiz, `Asabah, Zawil Arhaam, Mawlal Mawaalaat, alors c’est éne zenfant ki mayyat la ti dire so zenfant sa, mais ki pena aukène preuve ki supporte sa déclaration la. Alors sa zenfant la pou hérite sa mayyat la. Si pena tous sa banne dimoune ki nous fine dire la haut la, alors si li faire wassiyyat pou entier so du bien pou donne Masjid ou bien kikène, alors c’est lerla nous pou applique sa wassiyyat la pou tous so du bien.
Si li pena wassiyyat pou entier so du bien et pena tous sa bannes héritiers ki nous fine dire la haut la, alors sa du bien la pou alle dans possession de Bait-ul-Maal ou bien ene institution Islamique ki pou dépense sa l’argent la pou bénéfice banne musalmaan.
Nous bizin conner ki éne wasiyyat (maximum 1/3) li pas valable pou éne héritier.
باب لا وصية لوارث حدثنا محمد بن يوسف عن ورقاء عن بن أبي نجيح عن عطاء عن بن عباس رضي الله عنهما قال كان المال للولد وكانت الوصية للوالدين فنسخ الله من ذلك ما أحب فجعل للذكر مثل حظ الأنثيين وجعل للأبوين لكل واحد منهما السدس وجعل للمرأة الثمن والربع وللزوج الشطر والربع صحيح البخاري
BANNES CRITERES KI EMPECHE BANNES HERITIERS HERITE ENE MAYYAT.
- Si héritier la li éne esclave ou bien li éne esclave en parti, alors li pas pou hérite sa mayyat la.
- Si héritier la fine trouve li coupable ki li fine touille mayyat la, alors li pas pou hérite mayyat la. Si fine touille li par erreur, alors li capave hérite sa mayyat la.
- Si héritier la li dans Dar-ul-Harb ou bien mayyat la dans Dar-ul-Harb, et bannes héritiers dans Dar-ul-Aman ou Dar-ul-Islaam, alors sa li empêche héritage.
- Ene musalmaan, li pas capave hérite éne non musalmaan. Ene non musalmaan pas capave hérite éne musalmaan.
Dar-ul-Harb veut dire éne pays ou bien éne l’endroit cote pena liberté pou pratique bannes fondamentales de Deen. Dans éne pays pareil, musalmaan pas capave lire Namaaz en publique et gouvernement li persécute bannes celui qui pratique Islaam. A nous connaissance, La Russie éne l’époque ti éne Dar-ul-Harb, mais après so cassure, li ne pli éne Dar-ul-Harb. Capave quelque l’endroit dans La Chine capave vine sous sa définition la.
Dar-ul-Aman c’est éne pays ou bien éne l’endroit cote Musalmaan ena liberté pou pratique so Deen en grand publique quoi qui gouvernement de sa pays la pas gouverné d’après Shari`at. Bannes la cour de justice de sa pays la pas juge d’après Quraan et Hadith.
Dar-ul-Islaam c’est éne pays ou bien éne l’endroit qui gouverner par éne gouvernance basé lors Shari`at, lors Quraan, hadith, consensus de bannes Ulama, et lors bannes verdict de bannes Ulama.
BANNES PARTS FIXES PAR QURAAN : FARAAIZS
- Papa.
(a) Papa pou gagne 1/6 quand ena garçon ou bien garçon de garçon (ti zenfant) ou bien arrière petit zenfant (garçon so garçon so garçon).
(b) Papa pou gagne 1/6 plus li vineAsabah avec présence de tifi ou tifi de so garçon ou bien même arrière petit zenfant (tifi) par liaison de so garçon. (c) Papa li vineAsabah quand pena zenfant et quand pena ti zenfant de par liaison de so garçon. - Dada (papa so papa).
Dada pou gagne part héritage si papa de sa dimoune quine mort la fine fini mort a l’heure qui sa dimoune la fine mort. Dans éne tel cas, dada pou gagne même fraction couma dans 1 (a, b, c). C’est a dire si papa pas la, alors dada gagne même part couma papa. Donc si papa la même, alors dada de sa dimoune qui fine mort la, pas gagne narien. - Frères et sœurs de par liaison mama – utérine. (c’est a dire li bannes frères et sœurs qui ena éne seul mama mais qui papa différent).
(a) Quand zotte éne seul frère ou bien éne seul sœur, alors zotte gagne 1/6. Quand zotte deux ou bien plus, alors zotte tous gagne 1/3, mais remarquer qui frère sœur, pou partage sa 1/3 la en part égale.
(b) Frère sœur de liaison mama pas pou gagne narien dans présence de zenfant ou bien ti zenfant de liaison garçon ou bien arrière ti zenfant de liaison garçon.
(c) Frère sœur de liaison mama pas pou gagne narien dans présence papa ou bien dada. - Missié.
(a) Ene missié li pou hérite 1/2 du bien so madame quand pena zenfant (garçon ou tifi) ou bien ti zenfant de liaison garçon ou bien arrière petit zenfant de liaison garçon toujours.
(b) Missié pou hérite 1/4 quand ena zenfant (garçon ou tifi) ou bien ti zenfant ou bien arrière petit zenfant de liaison garçon. - Madame.
(a) Quand ena éne madame ou bien plusieurs madames et pena zenfants et ti zenfants (garçon so zenfants), alors zottes pou gagne 1/4 de entier du bien la.
(b) Quand ena zenfants ou ti zenfants ou arrière ti zenfants, bannes madames pou gagne 1/8. - Propre tifi. (depuis même mama et papa).
(a) Ene tifi unique pou gagne 1/2.
(b) Deux ou bien plus tifi pou gagne 2/3.
(c) Si ena garçon avec tifi, alors garçon la pou faire bannes tifi la vine `Asabah, mais bannes tifi pou gagne 1/2 part ki bannes garçon gagner. (2:1) - Garçon so tifi. (Ti zenfant).
(a) Li gagne 1/2 quand li tout seul.
(b) Li gagne 2/3 quand ena deux ou bien plis en absence de propre tifi.
(c) Zottes gagne 1/6 quand ena éne seul propre tifi. Dans sa cas la, ti zenfant et tifi pou complète 2/3 part.
(d) Zottes pas hérite narien si ena 2 propre tifi ou bien plis, a moins ki ena éne garçon dans zotte génération ou bien pli en bas, alors sa garçon la pou faire zotte vineAsabah. Et biensure banne tifi pou gagne 1/2 part de éne garçon. (2:1) (e) Si ena éne garçon, alors ti zenfant pas pou gagne narien. (f) Si ena éne ti zenfant tifi et ensam ensam ena bannes ti zenfants garçon et pena zenfants vivant, alors ena plusieurs détails ki bizin contacter bannesUlama pou description sa héritage la. - Propre sœur. (même mama et papa).
(a) Quand ena éne seul sœur, alors li pou gagne 1/2.
(b) Quand ena 2 ou bien plis, alors zottes pou gagne 2/3.
(c) Quand ena frère ensam avec sœur, alors zotte pou vineAsabah et bannes sœurs la pou gagne 1/2 part de bannes frères la. (2:1) (d) Quand ena tifi et ti zenfant tifi (garçon so tifi), alors zotte pou vineAsabah ensam avec sa banla.
(e) Bannes propre sœurs pas pou gagne narien si ena garçon, ti zenfant (garçon so garçon) ou bien arrière ti zenfant (garçon so garçon so garçon), papa et dada (papa so papa). - Sœurs de même papa, mais pas même mama. (consanguin).
(a) Li gagne 1/2 quand li tout seul.
(b) Quand ena 2 ou bien plis, alors zottes pou gagne 2/3 quand pena propre sœurs.
(c) Li gagne 1/6 quand ena éne seul propre sœur pou complète 2/3.
(d) Normalement zotte pas pou hériter quand ena 2 propre sœurs a moins ki ena éne frère consanguin avec zotte, alors zotte pou vineAsabah et bannes sœurs pou gagne 1/2 part bannes frères. (2:1) (e) Zotte vineAsabah si ena bannes tifi ou bien ti zenfant (garçon so tifi) pareil couma fine mentionné dans numéro 8 (d) la haut.
(f) Bannes propre frères sœurs, ou bien bannes frères sœurs consanguin pas pou gagne narien si ena garçon, ti zenfant (garçon so garçon) ou bien arrière ti zenfant (garçon so garçon so garçon), papa et dada (papa so papa).
(g) Bannes frères sœurs consanguin pas gagne narien si ena éne propre frère vivant et propre sœur quand zotte vine `Asabah. - Mama.
(a) Mama pou gagne 1/6 quand ena zenfant ou bien ti zenfant, ou bien quand ena 2 frères ou bien 2 sœurs de n’importe ki liaison.
(b) Li pou gagne 1/3 de entier du bien quand pena sa bannes ki nous fine fek dire la.
(c) Li pou gagne 1/3 de le reste du bien après ki fine fini donne missié ou bien madame, et sa li pou arriver quand ena mama papa avec missié, ou bien mama papa avec madame. Et si pena papa, mais ena dada, alors mama pou gagne 1/3 de entier du bien.
(Li malheureux aujourd’hui ki bannes partages pas prend mama en considération). - Dadi (papa so mama) et Nani (mama so mama).
(a) Dadi et Nani dans même génération, zotte tous pou gagne 1/6.
(b) Dadi et Nani pas pou gagne narien si mama vivant.
(c) Dadi pas pou gagne narien si papa vivant et si dada vivant, excepter dans le cas de dadi ou bien so mama ou bien so arrière mama (dadi so dadi) ki li pou hériter même si dada li vivant.
Note: Bannes liaison ki pli près li empêche bannes loin gagner.
`ASABAH
Asabah c’est sa bannes personnes ki après ki bannes Faraaiz fine prend zotte parts, alors zottes prend le reste. Si bannes Faraaiz fine prend tous parts, alorsAsabah pas pou gagne narien. Et si pena Faraaiz, alors bannes `Asabah prend tous du bien la.
BANNES `ASABAH DIRECTES.
C’est bannes personnes masculin ki dans zotte liaison a sa mayyat la, pena aukène madame vini. Zotte diviser en 4 groupes. Dans présence de premier groupe, les zotte bannes groupe la pas gagne narien. Groupe `Asabah de par l’ordre de zotte priorité:
- Garçon, garçon so garçon (ti zenfant), garçon so garçon so garçon (arrière ti zenfant).
- Papa, dada (papa so papa), Par-dada/grand dada (dada so papa).
- Frères, neveu (frère so garçon), frère so garçon so garçon.
- Chacha (papa so frère), cousin (chacha so garçon), cousin so garçon (chacha so garçon so garçon).
Mayyat
- Garçon, ti zenfant, arrière ti zenfant
- Papa, dada, par-dada
- Frère, neveu, neveu so garçon
- Chacha, cousin, cousin so garçon
L’ordre priorité bannes groupe `Asabah.
Explication:
- Si garçon ou bien ti zenfant vivant, alors papa, dada, frère, neveu ou bien chacha, cousin pas pou gagne narien. Donc c’est groupe (1) ki pou gagner.
- Si groupe (1) pas vivant, alors c’est groupe (2) ki pou gagner (c’est a dire papa, dada ki pou gagner).
- Si groupe (1) et (2) pas vivant, alors c’est groupe (3) ki pou gagner (c’est a dire frère, neveu ki pou gagner).
- Et si groupe (1) (2) (3) pas vivant, alors c’est groupe (4) ki pou gagner (c’est a dire chacha, cousin ki pou gagner).
L’ordre priorité de chaque ene groupe.
Maintenant quand ena plusieurs personnes vivant dans même groupe, alors ena éne l’ordre priorité ki nous bizin suivre dans sa groupe la.
GROUPE 1.
Mayyat
- Garçon
- Ti zenfant (garçon so garçon)
- Arrière ti zenfant (garçon so garçon so garçon)
- Si garçon vivant, alors ti zenfant pas gagne narien.
- Si garçon pas vivant, alors ti zenfant pou vine `Asabah.
- Et si garçon et ti zenfant pas vivant, alors arrière ti zenfant ki pou gagner.
GROUPE 2.
Mayyat
Papa
Dada (papa so papa)
Par-dada/grand dada (papa so papa so papa)
- Si papa vivant, alors dada pas gagne narien.
- Si papa pas vivant, alors dada pou vine `Asabah.
- Et si papa et dada pas vivant, alors par-dada/grand dada ki pou gagner.
GROUPE 3.
Mayyat
- Frère
- Neveu (frère so garçon)
- Neveu so garçon (frère so garçon so garçon)
- Si frère vivant, alors neveu pas gagne narien.
- Si frère pas vivant, alors neveu pou vine `Asabah.
- Et si frère et neveu pas vivant, alors neveu so garçon ki pou gagner.
GROUPE 4.
Mayyat
- Chacha (papa so frère)
- Cousin (chacha so garçon)
- Cousin so garçon (chacha so garçon so garçon)
- Si chacha vivant, alors cousin pas gagne narien.
- Si chacha pas vivant, alors cousin pou vine `Asabah.
- Et si chacha et cousin pas vivant, alors cousin so garçon ki pou gagner.
Note: Si ena garçon, ena papa, ena frère, alors c’est garçon ki pou hérite tous du bien comme `Asabah et papa pas pou gagne narien excepter so part Faraaiz (1/6).
HERITAGE KI PAS FINE DISTRIBUER D’APRES SHARI`AT DANS LE PASSE.
Si nous bannes grand parents pas fine distribuer héritage dans le passé d’après Shariat, alors li nous devoir pou nous corrige sa et redistribuer du bien la d’après Shariat.
Si pas fine corrige sa erreur ki fine faire auparavant la, alors nous pou coupable devant Allah Ta`ala et malheureusement nous capave pe mange du bien ki pas pou nous. Par exemple: si tifi fine gagne même part avec garçon dans le passé, alors bizin corrige sa. Sinon bannes tifi, zotte pou vivre dans éne du bien ki éne parti pas pou zotte et donc zotte pe vivre dans haraam partiellement.
Si mama ti vivant l’heure ki so garçon fine mort, mais li pas fine gagne narien dans héritage, alors bizin donne li so droit avant ki le jour de Qiyaamat li réclame so droit.
MARIAGE CIVIL SELON CODE NAPOLEON.
Selon code Napoléon, ena 2 types de mariage civil.
- Mariage de la communauté de bien.
- Régime de la séparation de bien.
Mariage de la communauté de bien veut dire ki tous du bien ki missié la pou acquérir pendant so mariage (excepter héritage), alors sa du bien la li pou missié la et madame la également. (50:50). Sa li complique la vie de éne musalmaan en terme de Shariat. D’après Shariat éne dimoune so du bien ki li ena pas capave alle automatiquement dans propriété éne l’autre dimoune sans so permission ou bien so consentement. Mariage de la communauté de bien li complique héritage après la mort de sa missié la ou bien sa madame la. Li empêche distribution héritage selon Quraan et Hadith. Même dans mariage de régime de séparation de bien, héritage pas vine d’après l’ordre Shariat. Mais pendant la vie sous régime de séparation de bien, du bien missié la reste pou missié la et du bien madame la reste pou madame la. Vue sa bannes complication ki ena dans distribution héritage nous pas recommande marier civil. Mais si bien bizin (e.g pou établi en dehors), alors éne mariage régime de séparation de bien li pli meilleur ki éne mariage de la communauté de bien. Si éne dimoune fine marier civil, alors li bizin prépare éne testament cote notaire pou distribuer so du bien d’après Shariat. Li capave mette éne Wasee ou bien éne agent déléguer pou distribuer so du bien d’après Shari`at.
HERITAGE DE ENE ZENFANT LEGITIME.
D’après Shariat, éne zenfant ki né dans Nikaah, li éne zenfant légitime et donc li pou hérite sa mama papa la. Shariat reconnaître éne grossesse légitime de éne zenfant ki né entre 6 mois et 2 ans.
Explication: si éne zenfant fine né dans 5 mois depuis date Nikaah ou bien depuis ki papa la ine mort ine gagne plis ki 2 ans, alors sa zenfant la li pas légitime pou papa la et donc li pas pou hérite li.
Ene zenfant ki né dans Nikaah de éne missié et éne madame, li légitime et li pou hérite so parent, a moins ki papa la li dénié ki sa so zenfant a l’heure so naissance ou bien banne premier fois li trouve sa zenfant la. Si li fine dire ki sa zenfant la pas pou li, alors sa zenfant la pas pou hérite li et pou hérite seulement so mama.
CADEAU KI FINE DONNER PENDANT LA VIE
Ene part du bien ki fine donner a ene prétend héritier pendant la vie, li ene cadeau et non pas ene part héritage. Si fine donne ene part du bien en cadeau a ene zenfant pendant so la vie, alors bizin donne tous banne zenfants part égales et corrige sa injustice la. Dans sa distribution cadeau la, pena différence entre garcon et tifi. Tous bizin donne part egale.
Si fine donne ene zenfant plis du bien par finance so l’etude ou bien fine aranze so la caze, alors compense sa quantité la banne les autres zenfants avant la mort. Mais si fine fini mort, alors héritiers pas capave exiger aster. Maintenant pas pou prend compte ki li fine faire pendnat so la vie, mais bizin applique l’orde Allah pou distribuer héritage selon banne fractions ki Qur’an fine ordonner.
Ena ene seul exception cote ene parent vivant capave privilège ene zenfant a ene l’autre par donne li ene cadeau ki pas donne les zottes : c’est quand sa zenfant la fine consacrer so le temps plis a deen ou dans l’enseignement de deen Islam. Hazrat Abu Bakr (ra) fine offert so tifi Aisha (ra) ene cadeau ki li pas fine offert so les zottes zenfants. (Bukhari)
HERITAGE DE ENE BUSINESS KI PE ROULER
Le moment ki ene dimoune li mort, alors so banne héritier fine vine propriétaire de so du bien. Veut dire ki dans chaque kitchose ki line kitter, banne héritier ena banne parts définie dans sa banne du bien la (ex : 12.5% de so la caze, business etc). Mais selon accord de banne héritiers, zotte gagne droit partage sa banne du bien la avec consentement. Mais li important ki faire zotte vine propriétaire de zote part. Li ene injustice pou garde ene du bien sans distribuer, alors ki banne héritiers pe demande zotte part. C’est pou sa ki du bien bizin distribuer a tous banne ki mériter et faire zotte vine propriétaire réelles.
Si pena accord, alors bizin evaluer banne du bien et partage zotte d’apres part ki zotte ena. Si li ene du bien indivisible, alors bizin vende du bien la et partage l’argent ki fine gagner.
Quand ene proprietaire de ene business fine mort, alors bizin faire ene inventaire de valeur stock, roulement business et banne valeur de batiment business. A ce moment la, capave mette ene representant heritier pou roule business et garde ene compte de banne transaction. Mais apres ene reunion de la famille, bizin donne chaquene so droit sans abus. Sa business la capave vine ene compagnie cote chaque heritier prend so part la dans. Celui ki pou travail pou prend ene la paye et celui ki pas pe travail pou gagne zotte part de profit la fin chaque mois ou chaque l’annee.
HERITAGE DE ENE ORPHELIN
Si ene zenfant li orphelin, alors ene grand ki deendar bizin garde sa du bien la ziska ki zotte gagne maturite (environs 21 ans). Si du bien la en liquide, alors meilleur acheter ene terrain lor nom zenfant la afin ki dépréciation pas affecter du bien la.
Ler li vinne asser mature ki li pou capave gere so l’argent, alors bizin donne li du bien la. Capave prend depuis sa casse la pou zenfant la so banne depenses. Pena zakaat lors sa l’argent la jusqu’à li vine baaligh.
HERITAGE DE ENE ZENFANT ADOPTIF
Ene zenfant adoptif, li pas héritier ene parent adoptif. Li pou hérite seulement so vrai papa ou so banne famille de lien réelle. Donc ene zenfant adoptif pena aukene droit lor du bien de so famille adoptive. Mais banne parent adoptif capave donne li cadeau dans zotte vivant ou bien faire ene wassiyat de maximum 1/3 du bien pou sa zenfant adoptif la.
Quand adopter ene zenfant, meilleur faire li avant li gagne 2 ans et faire li boire du lait so mama adoptif. Coumsa sa zenfant la li pou ene mahram dans la caze. Sinon, li pou ene étranger dans la caze, et quand li vine baaligh, alors bizin traite li comme ene étranger et bizin faire pardah avec li.
IMPORTANCE DE FAIRE ENE TESTAMENT AVANT KI LI TROP TARD
Dans ene hadith de Tirmizi Shareef, Hazrat Abdullah ibn Umar (ra) rapporter ki Rasoolullah (saw) fine dire : Ene musulman pas gagne droit dormi deux nuits alors ki li ena de quoi pou distribuer après la mort mais li bizin ena ene testament en écrit. Certains muhaddicines fine applique sa l’emphase la quand ena danger de discussion lors du bien apres so la mort. D’autres fine prend sa lors recommandation et précaution. Si ou conner ki pou ena discussions, alors li important mette tous en ecrit pou ki évite ou bien diminuer discussion. Et ou pou acquitte ou part de responsabilité. Et li obligatoire pou faire testament d’après parts ki Qur’an fine décrire.
Donc li important ki mette banne distribution héritage en écrit pou évite discorde dans la famille apres la mort. Si nous guette bien beaucoup famille fine casse relation a cause ene mauvais distribution héritage.
Distribution héritage ena beaucoup détails ki li difficile amène tous dans sa ti livré la. Mais sa ti livré la, li réponde sa question la : comment distribuer mo héritage d’après Islam? Chaque dimoune ki pou prépare dossier so heritage ou bien li envi conné eski so part li d’après Shari`at, alors li bizin contacter éne Mufti ki active lors issue héritage et donne li bannes détails complet en écrit. Nous pas recommande pou donne du bien par façon garde jouissance et donne nue propriété po raison ki sa façon reste complexe selon shariah.