Les Masla du voyage
Q: Voyage veut dire quoi?
A: Literalement parlant, voyage veut dire ene dimoune quitte so la caze pou ene destination ene dehors so l`endroit.

Q) Is a nephew a mahram for his Chachi (wife of his father's brother)? 
A) No, not qualified as a mahram for travelling.

Q) I will be travelling inshah-Allah with my 2year old son please give me a duah for him to be obedient in the plane. 
A) A lady need a mahram to travel more than 77 kms. Else read the masnoon duas for travelling found on web and read these sourahs with two bismillahs between each sourah: Kafiroon(109), Al Fath(110), Ahad(112), Falaq(113) and Naas(114).


Q: Voyage veut dire quoi d’apres shariat?
A: Ene voyage d’apres shariat c’est quand ene dimoune li entreprend ene voyage 77 km (48 miles englais) ou plus.

Q) A person is going abroad for more than 15 days. So there he mustn't make qasar. But during the journey, meaning in the plane or during transit or in airport etc is he considered as a musafir? 
A) Musafir during the plane etc until he reached that place where he will do 15 days or more.


Q: Quand exactement li vine musafir?
A: Quand li sorti depuis so l’endroit avec l’intention pou voyager 77 kms ou bien plus. Par e.g, si ene Port Louisien finne sortie so la caze et li finne arrive masjid Shane Islam, la rue Labourdonais, alors li pas encore vine musafir(voyageur) selon shariat. C’est nek quand li finne quitte Port Louis ki li pou vine musafir.
Note: Muqeem c’est celui ki pas dans etat de voyage. Musafir c’est celui ki shariat reconnaitre ki li dans etat de voyage

Q: Ki l’effet de voyage ena lor ene voyageur?
A: Ene voyageur ki lire so namaz individuelment ou bien quand li faire imam li obliger faire 2 rakats pou banne namaz farzs suivant : Zuhr, Ass et Esha. So witr et so banne sunnats et nafil reste pareil et pas abroger 
Mais si li pe lire namaz derriere ene imam ki pas voyageur (muqeem), alors ene voyageur li pou complete 4 rakats comment normalement li habituer faire. 
Ene voyageur ki dans voyage precipite, c'est-à-dire li dans avion ou bien li dans aeroport, etc alors li pou lire seulement banne farzs et li pas pou lire seulement banne farzs et li pas pou lire aucene sunnats excepter deux sunnat fajr. Mais ene voyageur ki li pas dans ene voyage precipite et li pe reste dans l’hotel ou bien a l’aise dans ene place, alors li recommander ki li faire so 12 rakats sunnate Muakkadah : 2 avant Fajr, 4 avant et apres Zuhr, 2 apres Maghrib et 2 apres Esha. 3 witr li obligatoire dans voyage et en dehors voyage et bizin faire li dibouter. 

Q: Quand ene dimoune li neplis musafir?
A: 1. Quand li finne arreter dans ene l’endroit habitable avec intention pou reste 15 jours ou plus. Si finne arreter dans la mer ou bien dans desert, alors li pou musafir meme.
2. Tanque ki ene musafir pas retourne dans so l’endroit, alors li pou continuer musafir. Quand li rentre dans so l’endroit, meme si li finne passer coume sa meme, alors li pou nepli musafir. Note so l`endroit li delimiter soit par so municipalite ou bien par banne premier la caze ki commencer dans sa l`endroit la. Par example pou Port Louis, apres ki finne quitte Paille et rentre dans limite de Port Louis. Pou ene habitant triolet, li nepli musafir quand li arrive banne premiers batiments dans Arsenal.

Q: Eski ene dimoune li capave muqeem et musafir en meme temps?
A: Non. Ou soit li muqeem ou bien li musafir. Si li entreprend ene voyage de 77 kms, alors li musafir. Si li panne voyager ou bien li finne faire l’intention pou arête 15 jours ou plus dans ene l’endriot, alors li pas musafir. So sejour pour compter selon la nuit cote li rester. Si ene dimoune li finne sorti sans l’intention pou voyage 77kms, mais li pe alle viste ene place pres (e.g 50 kms). Apres sa depuis la bas li finne visite ene lotte place (distance 50 kms). Mais au commencement li pas ti ena l’intention pou alle sa lotte place la. Alors li pas musafir. Mais si li finne sortie depuis so l’endroit avec intention pou complete ene voyage plis ki 77 kms, mais li finne passe ene lot place pou visiter, alors li ene musafir.

Note: Du moment ene dimoune li vine voyageur, alors li pou reste voyageur tanque ki li pas retourne dans so l’endroit ou bien tanque ki sa voyageur la pas faire l’intention pou reste 15 jours ou plus dans ene l’endroit specifique. Shariat prend consideration cote li passé la nuit consecutives. Donc si li reste dans l’endroit de passage seulement pendant la nuit, alors li pou compter ki li pe reste sa l’endroit la meme. Mais si depuis sa l’endroit la, li finne entreprend ene voyage ki plis ki 77kms, ou bien li finne passe ene la nuit en dehors sa l’endroit la, alors sa moment la li bizin revoir so quantite jour ki li pour ester dans sa l’endroit la.

Ex : par example, si ene dimoune li finne alle travail Ghuanzu, la Chine. Li pou vine muqeem si li finne faire l’intention pou dans Ghuanzu pou ki 15 jours. Si au milieu so sejours li finne passe la nuit ene lotte l’endroit ki Ghuanzu, alos sa pou interrompe so sejour a Ghuanzu. Donc li bizin reguetter quand li arrive so l’hotel a Ghuanzu compte jour li pour rester avant ki li quitte Ghuanzu.
Si li voyager depuis Ghuanzu pendant sa 15 jours la, ene voyage ki plis ki 77 kms, alors a sa moment la, li bizin revoir quand li rentre l’hotel a Ghuanzu, compte jour li rester avant li requite Ghuanzu. Si li calculer ki ena plis ki 15 jours(15 jours de 24 heures) avant so date retour, alors li pou muqeem. Mais si apres sa voyage dans la chine la, li pou reste moins ki 15 jours(ex: 14 jours et 23 heures),alors li pou musafir.

*Du moment ene musafir li rentre dans so l’endroit cote li rester, alors so voyage dans tous les cas pou terminer et li pou vine muqeem(pas voyageur). So l’endroit compter depuis banne dernier la caze ou bien batiment ki finne construire au limite de sa l’endroit la.

Q: Comment shariat traite ene la ville ki bien grand?
A: si ene la ville li bien grand, alors pou prend en consideration so grandeur et pas pou faire qasr (faire 2 rakats pou Zuhr, Assr et Esha) tanque ki pas quitte sa l’endroit la. Si ene la ville li finne grandi et li finne attaché aves ene lotte la ville so banne batiments et la caze, alors si tous les deux meme municipalite, alors li pou compte ene seul l’endroit. Mais si municipalite sa deux l’endroit differend, alors zote boundary municipal pou vine demarque zote limite. Donc ene Port Louisien li pou faire Qasr(2 rakaats) a paille.

Q: Ki banne namaz ki abrogee dans voyage?
A: Namaz Zohr, Assr et Esha abroge obligatoirement dans voyage et li vine 2 rakats. Namaz Fajr et Maghrib reste pareil. Mais quand ou finne suivre ene imam ki muqeem, alors ou bizin complete namaz la complet comme ene muqeem. Mais si ene musafir faire imam, alors li bizin lire 2 rakats pou Zuhr, Assr et Esha. Ene muqeem ki finne lire namaz derriere ene imam musafir, bizin complete so namaz après ki imam inne faire salaam lor 2eme rakat.Muqeem pou dibouter, mais pas pou lire narien dans so 2 qiyaams. Apart sa li pou completr so namaz normale.

Q : Si pas fine abroge namaz dans voyage. Eski namaz la compter ?
A : Non, a moins si faire sajdah sahw. Li obligatoire pou abroge namaz Zohr, Assar et Esha dans voyage. Donc si fine lire 4 rakats, alors bizin refaire namaz la. Mais si ou dans namaz et ou fine realise ou erreur, alors corrige li par deux sajdah sahw.

Q : Ene voyageur pas sire et certain quand li pou quitte l’endroit de so voyage. Eski li pou reste musafir ?
A : Oui, li pou reste musafir. Tanque li pas determiner et sure ki li pou reste 15 jours ou plus dans sa l’endroit la, alors li pou reste musafir.

Q) Is a lady allowed to travel without a mehram, duration of travel less than 3 days? In one of your fatwas the hadiths was quoted that a lady should not travel without being accompanied by her mehram if the duration of travel exceeds 3 days. 
A) Permissible for her to travel less than 77 kms without mahram. But if she would travel 77 kms or more, then she will need to be accompnaied by her mahram. The distance covered during 3 days travelling at the time of the prophet equals to 77 kms. 


Q: Eski ena kitte masla lor masbooq (celui ki finne ratte ene ou plusieurs rakats derriere imam, mais finne gagne jamaat)?
A : Si ene dimoune muqeem li finne manque plusieurs rakats derriere ene imam voyageur, alors li bizin dibouter apres salaam et complete so namaz dans sa facon la :
Premier rakaat quand li pou dibouter : pas lire narien dans qiyaam.
Deuxieme rakaat quand li pou dibouter : pas lire narien dans qiyaam.
Troisieme rakaat : li pou lire sourah fatiha.
Quatrieme rakaat : li pou lire sourah fatiha.

Par contre si ene musafir li finne manque rakats derriere imam muqeem, alors li bizin complete so namaz normale, et li pou lire dans chaque rakats. (Hindiyah, Hidayah)
Note : Si ou prend chemin normale dans Maurice pou kite destination, alors normalement ou pas arrive distance 77kms. Mais si ou prend chemin la cote, alors li possible ki ou depasse 77kms. Par example ene dimoune li sorti Triolet pou li alle Plaine Magnien par chemin Black River, li pou musafir. Pou conne distance exact de ou voyage, text sms « distance entre ville A et B » LOR +230 7921333.

Q : Eski li permissible pou lire namaz dans voyage dans voiture, bus ou avion ?
A : Li permissible pou banne salaat nafils seulement meme pou banne voyage moins ki 77 kms, quand ou trouve en dehors la ville . Par contre li pas permissible pou salaah farzs. Etant donner ki qiyaam li farz, alors nou obliger dibouter pou salaats farz.Donc meme dans avion, bizin dibouter. Mais si ena ene difficulte pou dibouter ou bien pas gagne permission (dans avion) pou dibouter, alors faire farz assizer lor seige et refaire li a terre. Sinon tanque possible ene missier ou ene madame bizin faire namaz dibouter. Si pas fine dibouter, alors bizin refaire namaz la. Masla : Si ene dimoune li malade ou li handicaper, alors li meilleur assize en bas lor la terre pou li faire namaz. Si li pas capave, lerla li capave assize lor ene chaise.



Q) Should a woman be accompanied with her mahram when travelling to another country? Same question for a girl who travels alone for studies?
A) Yes, it is obligatory. The prophet Muhammad (saw) said: "It is not permissible for a woman who believes in Allah and the Last Day , to travel a journey of more than three days (77km), except that she must have her father, her brother, her husband, her son or a mahram (one who she is never allowed to marry- maternal/paternal uncle, sister/brother's son) with her."


 

عَنْ أَبِي سَعِيدٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا يَحِلُّ لِامْرَأَةٍ تُؤْمِنُ بِاللَّهِ وَالْيَوْمِ الْآخِرِ أَنْ تُسَافِرَ سَفَرًا فَوْقَ ثَلَاثَةِ أَيَّامٍ فَصَاعِدًا إِلَّا وَمَعَهَا أَبُوهَا أَوْ أَخُوهَا أَوْ زَوْجُهَا أَوْ ابْنُهَا أَوْ ذُو مَحْرَمٍ مِنْهَا


Q : Si ene dimoune ena deux la caze dans differend l`endroit, eski li vinne muqeem pou tous les deux ?
A : Oui, li vinne muqeem pou tous les deux l`endroit si li ena la caze et li ena tous facilites dans la caze la. Par example si ene dimoune ena ene la caze Maurice et ene a Rodrigues, alors quand li rentre dans l`endroit de so la caze, li pou nepli musafir.

Note : Quand alle toilet dans voyage, bizin conner ki si impurete fine depasse diametre de 2.5 cms, alors ou obliger servi delo pou netoye ou. Si impurete pas fine depasse sa quantite la, alors si pena delo, capave servi zisse tissue(papier) et lire namaz. Mais si ena delo meilleur nettoye li avec tissue et apres servi delo. Si ene garcon li fine alle uriner et l’urine pas fine depasse la haut so parti prive, alors li permet pou li servi seulement tissue et lire namaz. Mais si fine depasser et dessane, alors li pou obliger laver et tissue pas pou suffit. Ou capave trempe tissue et ler la perse li lor ou pou laver. Mais ene fille dans tous les cas li bizin laver.

Q : Quand ene dimoune li fine quitte so l’endroit pou alle airport avec l’intention voyager plis ki 77 kms. Mais airport so autorites fine empeche li voyager ou bien li meme li fine change so l’intention. Eski li reste voyageur ?
A : Non, li pou nepli voyageur. Du moment li fine decider avec gre ou contre gre ki li pas pe voyager, alors li pou muqeem. 

Q : Si pe remplce namaz Zohar ki fine manquer dans voyage ler quand fine rentre dans l’endroit. Eski li vine 4 ?
A : Non, bizin remplace 2 meme.

Q : Eski ene madame bizin ena mahram pou voyager ?
A : Li obligatoire pou ene madame ena mahram pou li voyager. Li pas gagne droit meme alle Hajj ou Umrah sans so mahram.

Q : Ki sanla so mahram ? Eski neveu de so misier so mahram?
A: So mahram c’est so missier ou bien ene home dans so famille ki jamais li pou capave marier avec li. Example : papa, frere, dada, nana, neveu (frere ou sœur so garcon), mamou, chacha, so garcon etc. Banne liens de cote so missie li pas pou qualifier comme mahram. Example : missie so frere so garcon li pas ene mahram et li pas pou capve faire sa voyage la avec li. Donc neveu de so missie pas so mahram et pas capave voyager avec li.

Masla pour banne madames voyageur : Si ene madame li arrive ene l`endroit alors ki li ti dans l`etat de haiz. Quand li baigner et vinne propre dans sa l`endroit la, alors li pou muqeem. Mais si li sorti depuis sa l`endroit la avec l`intention pou voyage plis ki 77 kms, alors li pou vinne voyageur quand li quitte sa l’endroit la. Si ene madame so haiz finne fini et ena moins ki 77 kms avec so destination, alors li pou muqeem quand li arrive dans sa l`endroit la dans n`importe ki condition. Mais si finne vinne pure quand ena plis ki 77 kms ziska sa l`endroit la, alors li pou musafir si li pas pou reste plis ki 15 jours dans sa l`endroit la.

Qiblah :

Qiblah li ene condition dans namaz, meme si li dans voyage. Nous obliger rode qiblah avant namaz. Nous capave guette banne signe de soleil coucher ou banne zetoile pou conne banne directions et ainsi pou calcul Qiblah. Si pas pe capave calculer, alors obliger demande ene dimoune dans sa place afin pou conne banne directions. Meme si pena musulman, mais bizin demande ene Kafir dans sa l`endroit la afin pou conne direction soleil coucher et donc pou calcul Qiblah. Mais si pas conner et pena personne ki conner ou bien ou tous seul alors essaye penser et imaginer ki coter ou le cœur dire ou Qiblah coter. Suivre sa meme direction ki ou le cœur dire ou.
Note : Si avion pe change direction, alors dans namaz li important ki nous reste dans direction qiblah.

Wuzu dans voyage :

Etant donner ki li vine difficile pou faire wuzu dans banne certaine voyage, alors li bon conner ki 4 derniers actions de wuzu, c`est 4 farz de wuzu : lave figure, lave le bras y compris coude, massah de ¼ la tete et lave deux li pieds y compris chevilles.

Minimum lavage c`est ki deux goutes gouter depuis sa membre le corps la. Si ler laver, moins ki 2 goutes finne gouter alors li pas compte laver, mais c`est massah. Alors ki laver li obligatoire pou figure, les bras et li pieds.

Facon facile c`est ameme ene spray delo avec ou. Ou bien rempli li dans avion afin ki ou capave servi moins delo et avec plis faciliter.



Capave aussi servi Moza. Moza c`est banne socettes en la peau completement. Faire wuzu et mette sa banne socetttes la et dans voyage capave faire massah jusqua trois jours depuis ki wuzu finne casser premier fois.Si ou pas dans voyage, alors ou capave faire massah pou 24 heure depuis l’heure ki wuzu fine casser. Facon faire massah lor moza, c’est trempe la main et passe les doits mouiller la haut moza depuis banne pouce jusqua la haut cheville. Nous pas gagne droit faire massah lor socettes en nylon ou en la toile, mais ziste en la peau.



Ena 8 condition avant faire namaz :
1. L’heure namaz
2. Qiblah (plus ou moins 44 degres)
3. Place faire namaz propre
4. Linge pou faire namaz propre
5. Le corp propre
6. Wudhu et ghusal
7. Couvert satar : Depuis l’ombrille jusqua genoux pou missier et entier le corps pou madame.
8. Niyat – l’intention

Place faire namaz :

Li important ki place cote ou pe faire namaz li propre. Propre veut dire ki pena aukene impurete humide ou ki visible. Donc gagne droit faire namaz lor chemin, trottoir, lor du sable, dans avion ou lor marbre n’importe cote sa tanque ki pena aukene impurete ki visible.

Bien souvent nous penser ki peut etre ki sa place la ene zanimo fine uriner. Mais etant donner li fine sec et nous pas trouve aukene trace urine ou lotte impurete, alors nous capave faire namaz dans sa place la. Prophete Muhammad (saw) fine dire : « La terre li purifier par quand li vine sec. » (Abu Dawood). Et li fine aussi dire : « Entier la terre fine faire pou nous ene place ki faire namaz. » (Bukhari)

Namaz L'heure Commencer L'heure Fini
Fajr premier la lumiere ki paraitre lor horizon a l'aube (sehri) Apparition disque soleil (soleil lever)
Zuhr Apres Zenith (soleil plis la haut) 2 fois l'ombrage (de ene kitchose)
Asr 2 fois l'ombrage (e.g. ene plume) soleil coucher (disparaitre
Maghrib juste apres coucher du soleil (pas permetre retarder sans raison valable) Disparition la lumiere rouge (Faire noir completement)
Esha Faire noir completement L'heure sehri (apparition premier la lumiere lizour)


Ena 6 farzs dans namaz :
1. Dire Allahou Akbar l’heure ki attache la main
2. Dibouter
3. Lire Qur’an
4. Ruku
5. 2 Sajdahs
6. Dernier assizer.

Si manque ene la dans, namaz pas compter.
Pou nirmporte ki masla lor voyage, sms lor +230 7921333
Mazine nous dans ou duas, parski duas accepter dans voyage. 
 
 
     
 
 
 
 
Other Questions:
Latest questions
Is vlcc suncreen spf30 a halaal product?
Cure for a person who is greedy for wealth
What are the fardh things in salaah?
What can i do to control my anger..
Was Nabi(Saw) a hafiz?
Is dimethiconol used in garnier fructis hair serum..
Is nivea deodorant and cream halaal?
Balocco wafer products of germany contain..
Is hollywood chewing gum halaal?
Huda beauty liquid lipstick's ingredients..
List to boycott Israel products
SMS info system
Ce qu'il faut faire pendant une éclipse solaire
Les modalités de la Zakaat
Masaa'il on zakat
Advices and Solutions to problems
Questions & Answers on Fasting in Ramadhan
réciter le Qour'aan dans le Qabraastaan
hurting loved ones because of jealousy
les postures de la femme et celles de l'homme
Introduction of Islam
Chapter Of Talaaq
Chapter on Salaah
Chapter Of Nikah
Chapter Of Taharat
Buying and Selling
Chapter of interest
Masaa’il on Cellphones, Internet &TV
Aqaai'd (Beliefs)
What's jaiz and what's not
Miscellaneous
 
  Website Designed by HDM Interactive Ltd.